शीतलटाईम्स - "मेरा सांई" मालिकेतून खोटी व काल्पनिक माहिती सोनी वाहिनी विरोधात शिर्डीतील ग्रामस्थ व भक्तांकडून याचिका दाखल ! शीतलटाईम्स । शिर्डी( प्रतिनिधी)
"मेरा सांई" मालिकेतून खोटी व काल्पनिक माहिती !
सोनी वाहिनी विरोधात शिर्डी ग्रामस्थ व भक्तांकडून याचिका दाखल !
शीतलटाईम्स । शिर्डी( प्रतिनिधी)
शिर्डी येथील श्री साईबाबांच्या जीवन कथेवर दूरदर्शनवरील सोनी वहिनीवर मेरा साई ही मालिका दाखवली जात असून या मालिकेत श्री साईबाबांच्या जीवनावर काल्पनिक माहिती व खोटे जन्मस्थळ नाव, गाव वापरण्यात येत असून त्यामुळे साईभक्तांचा संभ्रम होत आहे. भावना, श्रद्धेला तडे जात आहेत म्हणून या मालिके वरील प्रसारित होणारे पुढील एपिसोड त्वरित थांबवावेत. अशी मागणी करत या मालिके संदर्भात या वहिनी विरोधात शिर्डीतील ग्रामस्थ व साईभक्त सर्जेराव कोते व प्रमोद गोंदकर यांनी राहाता न्यायालयात याचिका दाखल केली आहे.
या याचिकेवर आज सुनावणी झाली. या संदर्भात अधिक माहिती देताना ॲड.शुभम गोंदकर यांनी सांगितले की, सध्या दूरदर्शन वरील सोनी वाहिनीवर सायंकाळी सात ते साडेसात या दरम्यान मेरा साई ही मालिका दाखवली जात आहे. या मालिकेत साईबाबां विषयी माहिती खोटी व काल्पनिक आहे. तिचा श्री साईबाबा संस्थान चे अधिकृत श्री साई चरित्र ग्रंथ मध्ये कोठेही उल्लेख नाही. श्री साईबाबांचा जन्मस्थळ व त्यांच्या वडिलांचे नाव गाव कुळ हे कोणाला माहित नाही. जात धर्म कोणाला माहित नाही. तरीही या मालिकेत त्यांचे जन्मस्थळ नाव वापरले जात आहे. त्याचप्रमाणे बाबा शिर्डीत प्रथम आल्यानंतर श्री खंडोबा मंदिरासमोर पुजारी म्हाळसापती यांनी ओ साई म्हटल्यानंतर बाबांचे नाव साई पडले.
कमात्र, या मालिकेत त्यांच्या लहानपणापासूनच साई नाव देण्यात आले आहे. ही सर्व काल्पनिक व खोटी माहिती आहे. त्यामुळे साईभक्त संभ्रमात येत आहेत. साईभक्तांच्या विश्वास, श्रद्धेला या मालिकेमुळे तडा जात आहे. श्री साई चरित्र ग्रंथ हा श्री साईबाबा हयात असताना तत्कालीन साईभक्तांनी त्यावेळी दिलेल्या माहिती व अनुभवावरून दाखले देत लिहिला गेला आहे. मात्र या साईचरित्र ग्रंथातून माहिती घेण्याऐवजी इतर ११ वेगवेगळ्या पुस्तकातून माहिती घेऊन की ती बाबाची समाधी झाल्यानंतर जी पुस्तके लिहिली गेली आहेत त्या संस्थान मान्यता नसणाऱ्या पुस्तकातली माहिती या मालिकेतुन सध्या प्रसारित होत आहे.
या मालिकेत अनेक खोटी माहिती देण्यात आलेली आहे. बाबा प्रगट झाले होते मात्र या मालिकेत बाबांचा जन्म दाखवला गेला आहे. बाबांचा जन्म झालेला नसून बाबा प्रगट झाले होते असे असतानाही त्यांचा जन्म दाखवला जात असून हे सर्व काल्पनिक आहे. या वाहिनीने साई जीवनावर रिसर्च केला गेला तो वेगळ्या पुस्तकातून केला गेला. मात्र त्याला अधिकृत संस्थांनची मान्यता नाही. त्यामुळे सोनी वहिनीने मेरा साई या मालिकेतील येथून पुढे होणारे सर्व एपिसोड थांबावेत व साईभक्तांचा संभ्रम करू नये. साईभक्तांचा विश्वास, श्रद्धा ,आस्था याला तडा जाईल असे यापुढे तरी करू नये तसेच इथून पाठीमागे जे एपिसोड प्रसारित केले त्याबद्दल साईभक्तांची जाहीर माफी मागावी.
अशी मागणी करत या सोनी वाहिनी च्या विरोधात शिर्डीतील ग्रामस्थ व साईभक्त सर्जेराव कोते व प्रमोद गोंदकर यांनी ॲड. बी.सी. सातव ॲड. के. बी. शिंदे, ॲड. शुभम गोंदकर यांच्यावतीने राहता न्यायालयात याचिका दाखल केली असून रेगुलर मुकदमा नंबर 397/20 21 याप्रमाणे ही याचिका राहता न्यायालयात दाखल करण्यात आली आहे. या याचिकेवर आज सुनावणी झाली आहे. यानंतरही सुनावणी पुढील सुनावणी होईल. मात्र या मेरा साई मालिकेद्वारे जे साई जीवनावर प्रसारण केले जात आहे ते काल्पनिक व खोटे असून त्यामुळे साई भक्तांच्या भावना दुखावत आहेत. त्यामुळे सोनी वाहिनीवरील मेरा साई या मालिकेतील पुढील एपिसोड त्वरित बंद करण्यात यावे व श्री साई चरित्र ग्रंथातील माहितीच्या आधारेच पुढील मालिका प्रसारण करावी. अन्यथा मालिका बंद करावी. असे आता याचिकाकर्ते यांच्याप्रमाणेच समस्त शिर्डीकर व साईभक्तांमधून ही मागणी होत आहे.
- संपूर्ण महाराष्ट्रतील ज्वलंत प्रश्नांशी निगडीत असलेले -
***** साप्ताहिक शीतल टाईम्स ******
✒️ मुख्य संपादक - नरेंद्र लचके
********** मो. 9225327176
✒️ उपसंपादक - सुहास शेलर
********** मो. 8485867429
✒️ जिल्हा प्रतिनिधी - शकील(बाबा)शेख
********** मो. 9273729867
टिप्पण्या
टिप्पणी पोस्ट करा