शीतल टाईम्स //- प्रवरा नदीवरील पुलाचे तुटलेले कठडे ठरतय अपघाताला निमंत्रण; प्रशासनाचे दुर्लक्ष

-

       

शीतल टाइम्स प्रतिनिधी


प्रवरा नदीवरील पुलाचे तुटलेले कठडे ठरतय अपघाताला निमंत्रण!

नागरिकांतून दुरुस्तीची मागणी; प्रशासनाचे दुर्लक्ष


बेलापूर बुद्रुक (श्रीरामपूर)  श्रीरामपूर-अहिल्यानगर रस्त्यावरील बेलापूर बुद्रुक येथील प्रवरा नदीवरील पुलाचे कठडे अनेक वर्षांपासून तुटलेल्या अवस्थेत आहेत. यामुळे या वर्दळीच्या रस्त्यावरून प्रवास करणाऱ्या वाहनचालक आणि नागरिकांच्या जीविताला मोठा धोका निर्माण झाला आहे. वारंवार मागणी करूनही सार्वजनिक बांधकाम विभाग याकडे सातत्याने दुर्लक्ष करत असल्याचा आरोप स्थानिक नागरिक करत आहेत.



प्रवरा नदीवरील हा पूल अत्यंत वर्दळीचा असून, श्रीरामपूर, अहिल्यानगर (अहमदनगर) आणि आसपासच्या अनेक गावांना जोडणारा हा एक महत्त्वाचा दुवा आहे. त्यामुळे अनेक लहान मोठ्या वाहनांची या पुलावर येजा असते. सुमारे चार-पाच वर्षांपूर्वी पहाटेच्या वेळी ऊसतोड कामगारांचे बिऱ्हाड घेऊन जाणारा एक ट्रक धूसर प्रकाशात पुलाचा अंदाज न आल्याने कठडे तोडून थेट नदीपात्रात कोसळला होता. या अपघातानंतर आजपर्यंत कठड्यांची दुरुस्ती झालेली नसून ते आजही तुटलेल्या स्थितीत आहेत.

विशेषतः रविवारी, बेलापूर बुद्रुक येथील आठवडे बाजारामुळे या पुलावर मोठी गर्दी होते. नदीपलीकडील बेलापूर खुर्द, नरसळी, बन, केसापूर, दवणगाव, आंबी अशा अनेक गावांतून नागरिक बाजारहाटासाठी बेलापूर बुद्रुकला येतात. त्यामुळे या दिवशी मोठ्या आणि लहान वाहनांची प्रचंड वर्दळ असते.



तुटलेल्या कठड्यांच्या ठिकाणी मोठ्या प्रमाणात झाडे आणि गवत वाढले आहे, त्यामुळे तुटलेले कठडे सहजासहजी लक्षात येत नाहीत. यामुळे अपघाताचा धोका आणखी वाढला आहे. रात्रीच्या वेळी किंवा खराब हवामानात तर वाहनचालकांना पुलाचा अंदाज घेणे अधिकच अवघड होते. स्थानिक नागरिकांनी अनेकदा या धोकादायक स्थितीबद्दल प्रशासनाला कळवले आहे. परंतु, सार्वजनिक बांधकाम विभाग या गंभीर प्रश्नाकडे दुर्लक्ष करत आहे. प्रशासनाने तात्काळ या पुलाच्या कठड्यांची दुरुस्ती करून संभाव्य अपघात टाळावेत, अशी मागणी नागरिक करत आहेत.




********************************
********************************

   -  संपूर्ण महाराष्ट्रतील ज्वलंत प्रश्नांशी निगडीत असलेले  -

** साप्ताहिक शीतल टाईम्स **

R.N.I.NO.MAHMAR/2003/13182

 - बातम्या व जाहिरातीसाठी
 *********-संपर्क-**********

✒️ मुख्य संपादक  - नरेंद्र लचके 

********** मो. 9225327176

✒️ उपसंपादक - सुहास शेलर

********* मो. 8485867429

✒️ जिल्हा प्रतिनिधी - शकील(बाबा)शेख

********* मो. 9273729867  

*******************************
*******************************


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

बेलापूर खुर्द येथील महिलेचा रेल्वेखाली सापडून मृत्यू शीतल टाइम्स प्रतिनिधी

-
इमेज
बेलापूर खुर्द येथील महिलेचा रेल्वेखाली सापडून मृत्यू प्रतिकात्मक चित्र  शीतल टाइम्स प्रतिनिधी  बेलापूर (प्रतिनिधी) : श्रीरामपूर तालुक्यातील बेलापूर खुर्द येथील कमलबाई आनंदा रणदिवे (वय अंदाजे ५५) या महिलेचा आज दुपारी रेल्वेखाली सापडून मृत्यू झाला. मिळालेल्या माहितीनुसार, तहसील कार्यालयातील डोलाच्या प्रकरणात पैसे मिळत नसल्याने त्या वारंवार तहसील कार्यालयात चकरा मारत होत्या. आजही त्या तहसील कार्यालयात जाण्यासाठी निघाल्या होत्या. दरम्यान, बेलापूर रेल्वे स्थानकाजवळील जुन्या मालधक्का परिसरातून रेल्वे रुळ ओलांडत असताना त्यांच्या साडीचा पदर रुळाला अडकला. तेवढ्यात रेल्वे येत असल्याने सोबत असलेल्या दोन महिलांनी रुळ पार केला, मात्र कमलबाई रणदिवे यांच्या साडीचा पदर गुंतल्याने त्यांना रुळ ओलांडता आला नाही आणि त्या दुर्दैवाने रेल्वेखाली सापडल्या. यात त्यांचा जागीच मृत्यू झाला. या दुर्घटनेमुळे परिसरात हळहळ व्यक्त होत असून, तहसील कार्यालयातील डोलाच्या प्रकरणातील विलंबामुळे त्या मानसिक तणावाखाली असल्याचे ग्रामस्थांकडून सांगण्यात आले. ******************************** ***************************...
अधिक वाचा

शीतल टाइम्स //- तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी दोन दिवसांत तोडगा निघणार

-
इमेज
  शीतल टाइम्स प्रतिनिधी तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी  दोन दिवसांत तोडगा निघणार श्रीरामपूर (प्रतिनिधी) स्वस्त धान्य दुकानांच्या ई-पॉज मशिनमध्ये तांत्रिक बिघाड झाल्याने मराठीत नावे फीडिंग केलेल्या रेशनकार्ड धारकांचे बिल तयार होत नसल्याची समस्या उद्भवली आहे. परिणामी हजारो गोरगरीब कुटुंबांना सप्टेंबर महिन्यातील धान्य वाटपापासून वंचित राहण्याची वेळ आली असून नागरिकांत तीव्र नाराजी व्यक्त होत आहे. माहितीनुसार, इंग्रजी डाटा फीडिंग असलेल्या कार्डांचे बिल सहज निघत असल्याने अशा कार्डधारकांना धान्य मिळत आहे. मात्र मराठी भाषेत नावे नोंदवलेले लाभधारकांचे बिल मशिनवरून निघत नसल्याने दुकानदार धान्य वाटप करू शकत नाहीत. यामुळे दुकानदार आणि लाभधारकांमध्ये वादाची परिस्थिती निर्माण झाली असून, “मागील महिन्यात धान्य मिळाले, मग यावेळी का मिळत नाही?” असा प्रश्न लाभधारक विचारत आहेत. या समस्येचा परिणाम महाराष्ट्रातील ज्या जिल्ह्यांमध्ये ओयासिस कंपनीची ई-पॉज मशीन्स कार्यरत आहेत, त्याच ठिकाणी होत असल्याचे समजते. याबाबत ऑल महाराष्ट्र फेअर प्राईस शॉप...
अधिक वाचा

शीतल टाइम्स //- गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव

-
इमेज
   शीतल टाइम्स प्रतिनिधी   गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव बेलापूर (वार्ताहर) श्रीरामपूर तालुक्यातील उक्कलगाव येथे गोवंशीय जनावरांची वाहतूक केली, या संशयावरून काही गोरक्षकांनी एका शेतकऱ्याला बेदम मारहाण केल्याची घटना शनिवारी रात्री घडली. या घटनेमुळे गावात तणावाचे वातावरण निर्माण झाले असून शेतकऱ्यांमध्ये भीतीचे वातावरण पसरले आहे. मिळालेल्या माहितीनुसार, उक्कलगाव येथील धनवाट रोड परिसरात २५ ते ३० जणांचा जमाव जमा झाला होता. या जमावाने गावातीलच एका शेतकरी तरुणाला थांबवून त्याला लाथाबुक्क्यांनी मारहाण केली. काही काळ गावात मोठी गर्दी जमली होती. मारहाणीनंतर गावात तणाव निर्माण झाला. गावात अफवा पसरल्याने दुसऱ्या दिवशी सकाळी मोठा जमाव जमला. मारहाण करणारे तरुण मात्र रात्रीच पसार झाले. पोलीस या प्रकरणाचा तपास करत आहेत, मात्र अद्याप कोणतीही तक्रार दाखल झालेली नसल्याचे पोलिस सूत्रांनी सांगितले. महाराष्ट्रात गोवंश हत्येला बंदी लागू झाल्यानंतर गोरक्षकांच्या नावाखाली अनेक वेळा अशा प्रकारच्या मारहाणीच्या व लुटमारीच्या घटना घडत असल्याचे निदर्शनास य...
अधिक वाचा