शीतल टाईम्स //- बेलापूरात पोलीस दादांना राखी बांधून रक्षाबंधन साजरे; अनाथाश्रमासाठी ४८०० रुपयांची मदत

-

       

शीतल टाइम्स प्रतिनिधी


बेलापूरात पोलीस दादांना राखी बांधून रक्षाबंधन साजरे; अनाथाश्रमासाठी ४८०० रुपयांची मदत


बेलापूर (प्रतिनिधी) – गावाचे रक्षण करणारे पोलीस हे दादाच असून, अडीअडचणीला भावाप्रमाणे धावून येतात. समाजकंटकांपासून गावाचे रक्षण करण्याचे त्यांचे कार्य मोठे असल्याने, रक्षाबंधनानिमित्त त्यांना राखी बांधून कृतज्ञता व्यक्त करण्याचा उपक्रम गेल्या नऊ वर्षांपासून बेलापूरात अव्याहतपणे सुरू आहे. हा उपक्रम पत्रकार देविदास देसाई यांच्या पुढाकारातून पार पडतो.

याच परंपरेनुसार यावर्षीही बेलापूर पोलीस स्टेशनमध्ये पोलीस उपनिरीक्षक सुधीर हापसे, हवालदार बाळासाहेब कोळपे, तसेच पोलीस कॉन्स्टेबल भारत तमनर, संपत बडे, नंदकिशोर लोखंडे, किरण शेलार, पंकज सानप, रवि अभंग यांना महिलांनी राखी बांधून औक्षण केले.

कार्यक्रमाला सरपंच सौ. मीनाताई साळवी, माजी सरपंच सौ. ज्योतीताई भांड, सौ. प्रतिभा देसाई, सौ. संगीता देसाई, सौ. कल्पना शिंदे, सौ. राजश्री अमोलिक, सौ. रत्नमाला डावरे उपस्थित होत्या. यावेळी महिलांनी पोलीस दादांबरोबरच ग्रामस्थांनाही औक्षण करून राखी बांधली.

विशेष म्हणजे, ओवाळणी स्वरूपात पोलीस दादांकडून २५०० रुपये व ग्रामस्थांकडून २३०० रुपये अशी एकूण ४८०० रुपयांची रक्कम बेलापूर येथील अनाथाश्रमाला देण्याचा निर्णय घेण्यात आला. या सामाजिक भावनेचे उपस्थितांनी कौतुक केले.

कार्यक्रमात जि.प. सदस्य शरद नवले, बाजार समितीचे माजी उपसभापती अभिषेक खंडागळे, माजी सरपंच भरत साळुंके, पत्रकार विष्णुपंत डावरे, सेवानिवृत्त पीएसआय संजय भोंडगे दादा, दीपक क्षत्रीय यांसह अनेक मान्यवरांनी मनोगत व्यक्त केले.

प्रास्ताविक पत्रकार देविदास देसाई यांनी केले तर आभार पोलीस कॉन्स्टेबल संपत बडे यांनी मानले. कार्यक्रमाला एड. अरविंद साळवी, दिलीप अमोलिक, पत्रकार असलम बिनसाद, पत्रकार दिलीप दायमा, राधेश्याम अंबिलवादे, एजाज सय्यद, पुंजाहरी सुपेकर, सचिन कणसे, बाबूलाल पठाण, महेश कुऱ्हे, विलास नागले, औदुंबर राऊत, नितीन शर्मा यांसह ग्रामस्थ उपस्थित होते.




********************************
********************************

   -  संपूर्ण महाराष्ट्रतील ज्वलंत प्रश्नांशी निगडीत असलेले  -

** साप्ताहिक शीतल टाईम्स **

R.N.I.NO.MAHMAR/2003/13182

 - बातम्या व जाहिरातीसाठी
 *********-संपर्क-**********

✒️ मुख्य संपादक  - नरेंद्र लचके 

********** मो. 9225327176

✒️ उपसंपादक - सुहास शेलर

********* मो. 8485867429

✒️ जिल्हा प्रतिनिधी - शकील(बाबा)शेख

********* मो. 9273729867  

*******************************
*******************************


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

बेलापूर खुर्द येथील महिलेचा रेल्वेखाली सापडून मृत्यू शीतल टाइम्स प्रतिनिधी

-
इमेज
बेलापूर खुर्द येथील महिलेचा रेल्वेखाली सापडून मृत्यू प्रतिकात्मक चित्र  शीतल टाइम्स प्रतिनिधी  बेलापूर (प्रतिनिधी) : श्रीरामपूर तालुक्यातील बेलापूर खुर्द येथील कमलबाई आनंदा रणदिवे (वय अंदाजे ५५) या महिलेचा आज दुपारी रेल्वेखाली सापडून मृत्यू झाला. मिळालेल्या माहितीनुसार, तहसील कार्यालयातील डोलाच्या प्रकरणात पैसे मिळत नसल्याने त्या वारंवार तहसील कार्यालयात चकरा मारत होत्या. आजही त्या तहसील कार्यालयात जाण्यासाठी निघाल्या होत्या. दरम्यान, बेलापूर रेल्वे स्थानकाजवळील जुन्या मालधक्का परिसरातून रेल्वे रुळ ओलांडत असताना त्यांच्या साडीचा पदर रुळाला अडकला. तेवढ्यात रेल्वे येत असल्याने सोबत असलेल्या दोन महिलांनी रुळ पार केला, मात्र कमलबाई रणदिवे यांच्या साडीचा पदर गुंतल्याने त्यांना रुळ ओलांडता आला नाही आणि त्या दुर्दैवाने रेल्वेखाली सापडल्या. यात त्यांचा जागीच मृत्यू झाला. या दुर्घटनेमुळे परिसरात हळहळ व्यक्त होत असून, तहसील कार्यालयातील डोलाच्या प्रकरणातील विलंबामुळे त्या मानसिक तणावाखाली असल्याचे ग्रामस्थांकडून सांगण्यात आले. ******************************** ***************************...
अधिक वाचा

शीतल टाइम्स //- तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी दोन दिवसांत तोडगा निघणार

-
इमेज
  शीतल टाइम्स प्रतिनिधी तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी  दोन दिवसांत तोडगा निघणार श्रीरामपूर (प्रतिनिधी) स्वस्त धान्य दुकानांच्या ई-पॉज मशिनमध्ये तांत्रिक बिघाड झाल्याने मराठीत नावे फीडिंग केलेल्या रेशनकार्ड धारकांचे बिल तयार होत नसल्याची समस्या उद्भवली आहे. परिणामी हजारो गोरगरीब कुटुंबांना सप्टेंबर महिन्यातील धान्य वाटपापासून वंचित राहण्याची वेळ आली असून नागरिकांत तीव्र नाराजी व्यक्त होत आहे. माहितीनुसार, इंग्रजी डाटा फीडिंग असलेल्या कार्डांचे बिल सहज निघत असल्याने अशा कार्डधारकांना धान्य मिळत आहे. मात्र मराठी भाषेत नावे नोंदवलेले लाभधारकांचे बिल मशिनवरून निघत नसल्याने दुकानदार धान्य वाटप करू शकत नाहीत. यामुळे दुकानदार आणि लाभधारकांमध्ये वादाची परिस्थिती निर्माण झाली असून, “मागील महिन्यात धान्य मिळाले, मग यावेळी का मिळत नाही?” असा प्रश्न लाभधारक विचारत आहेत. या समस्येचा परिणाम महाराष्ट्रातील ज्या जिल्ह्यांमध्ये ओयासिस कंपनीची ई-पॉज मशीन्स कार्यरत आहेत, त्याच ठिकाणी होत असल्याचे समजते. याबाबत ऑल महाराष्ट्र फेअर प्राईस शॉप...
अधिक वाचा

शीतल टाइम्स //- गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव

-
इमेज
   शीतल टाइम्स प्रतिनिधी   गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव बेलापूर (वार्ताहर) श्रीरामपूर तालुक्यातील उक्कलगाव येथे गोवंशीय जनावरांची वाहतूक केली, या संशयावरून काही गोरक्षकांनी एका शेतकऱ्याला बेदम मारहाण केल्याची घटना शनिवारी रात्री घडली. या घटनेमुळे गावात तणावाचे वातावरण निर्माण झाले असून शेतकऱ्यांमध्ये भीतीचे वातावरण पसरले आहे. मिळालेल्या माहितीनुसार, उक्कलगाव येथील धनवाट रोड परिसरात २५ ते ३० जणांचा जमाव जमा झाला होता. या जमावाने गावातीलच एका शेतकरी तरुणाला थांबवून त्याला लाथाबुक्क्यांनी मारहाण केली. काही काळ गावात मोठी गर्दी जमली होती. मारहाणीनंतर गावात तणाव निर्माण झाला. गावात अफवा पसरल्याने दुसऱ्या दिवशी सकाळी मोठा जमाव जमला. मारहाण करणारे तरुण मात्र रात्रीच पसार झाले. पोलीस या प्रकरणाचा तपास करत आहेत, मात्र अद्याप कोणतीही तक्रार दाखल झालेली नसल्याचे पोलिस सूत्रांनी सांगितले. महाराष्ट्रात गोवंश हत्येला बंदी लागू झाल्यानंतर गोरक्षकांच्या नावाखाली अनेक वेळा अशा प्रकारच्या मारहाणीच्या व लुटमारीच्या घटना घडत असल्याचे निदर्शनास य...
अधिक वाचा