शीतल टाइम्स //- बेलापूरात उत्साहात स्वातंत्र्यदिन संपन्न ज्येष्ठ नागरिकांच्या हस्ते ध्वजारोहण
शीतल टाइम्स प्रतिनिधी
बेलापूरात उत्साहात स्वातंत्र्यदिन संपन्न
ज्येष्ठ नागरिकांच्या हस्ते ध्वजारोहण
बेलापूर प्रतिनिधी -
देशाचा ७९ वा सामुदायिक स्वातंत्र्यदिन बेलापूर बु|| येथे उत्साहात व मंगलमय वातावरणात साजरा करण्यात आला. गावातील ज्येष्ठ नागरिकांच्या हस्ते मुख्य विजयस्तंभ चौकात सार्वजनिक ध्वजारोहण करण्यात आले.
यावेळी सरपंच मिनाताई साळवी, उपसरपंच चंद्रकांत नवले, ग्रामपंचायत अधिकारी निलेश लहारे, तसेच ज्येष्ठ नागरिक कंजीशेठ टाक, सुवालालजी लुक्कड, मोहनराव नवले, अशोकनाना साळुंके, रणजीत श्रीगोड, शरदराव देशपांडे, अरविंदजी राठी, माधवराव कुहे, शांताराम खंडागळे, बहोद्दीन सय्यद, बापूसाहेब वाबळे, जगन्नाथ अमोलिक, श्रीराम मोरे, भास्करराव गायकवाड यांच्या उपस्थितीत ध्वजारोहण पार पडले.
कार्यक्रमाचे सूत्रसंचालन पोपटराव गावडे सर यांनी केले. यावेळी गावातील विविध संस्थांचे पदाधिकारी, ग्रामस्थ तसेच शाळा–महाविद्यालयातील विद्यार्थी-विद्यार्थिनी मोठ्या संख्येने उपस्थित होते.
स्वातंत्र्यदिनानिमित्त जि.प. मराठी मुलींच्या शाळेतील विद्यार्थिनींनी आकर्षक कवायतीचे प्रात्यक्षिक सादर केले. या प्रात्यक्षिकाला उपस्थित प्रेक्षकांकडून उत्स्फूर्त दाद मिळाली.
टिप्पण्या
टिप्पणी पोस्ट करा