शीतल टाइम्स //-सारसनगरात डेंगू मुक्त अभियान संपन्न गणेश उत्सव पर्यावरणपूरक पद्धतीने साजरा करावा –आयुक्त यशवंत डांगे

-

  

शीतल टाइम्स प्रतिनिधी



सारसनगरात डेंगू मुक्त अभियान संपन्न

गणेश उत्सव पर्यावरणपूरक पद्धतीने साजरा करावा – आयुक्त यशवंत डांगे

अहिल्यानगर (प्रतिनिधी): 

चिकनगुनिया, हिवताप, डेंगू आणि मलेरिया यांसारखे आजार डासांमुळे होतात. सन 2023 च्या पावसाळ्यात शहरात तब्बल 98 डेंगू रुग्ण आढळले होते. मात्र, महानगरपालिकेच्या ‘डेंगू मुक्त अहिल्यानगर’ अभियानामुळे या वर्षी रुग्णसंख्या घटली असून आतापर्यंत केवळ 8 रुग्ण नोंदले गेले आहेत. 2024 मध्ये ही संख्या 78 होती. गेल्या तीन वर्षांत मलेरियाचा एकही रुग्ण शहरात आढळलेला नाही, अशी माहिती आयुक्त तथा प्रशासक यशवंत डांगे यांनी दिली.



सारसनगर परिसरात झालेल्या जनजागृती अभियानात नागरिकांना डासांची उत्पत्ती रोखण्यासाठी स्वच्छतेचे महत्त्व पटवून देण्यात आले. “डेंगू डास स्वच्छ पाण्यात होतो. त्यामुळे घरात साठवलेले पाणी वेळोवेळी नष्ट करणे, आठवड्यातून एक दिवस ‘कोरडा दिवस’ पाळणे अत्यावश्यक आहे,” असे आवाहन आयुक्त डांगे यांनी केले.



या अभियानात आयुक्त डांगे यांच्यासह माजी नगरसेवक प्रकाश भागानगरे, संजय चोपडा, ह.भ.प. प्रभाताई भोंग, शिवाजी विधाते, आरोग्य अधिकारी डॉ. सतीश राजुरकर, शिवाजी म्हस्के, जगन्नाथ बोडखे, डॉ. राहुल मुथा, डॉ. संदीप राऊत, डॉ. आयेशा शेख यांच्यासह नागरिक, विद्यार्थी व आशा सेविका मोठ्या संख्येने सहभागी झाले.

माजी नगरसेवक भागानगरे म्हणाले की, “नागरिकांच्या सहभागाशिवाय कुठलाही उपक्रम यशस्वी होत नाही. स्वच्छता आणि पर्यावरण रक्षण हे प्रत्येकाचे कर्तव्य आहे.”



आशा सेविकांनी गीतांच्या माध्यमातून आजारांबाबत जनजागृती केली. कुमारी तनिष्का चंदेवय (६) हिने डासाची वेशभूषा करून आरोग्यावरील परिणाम स्पष्ट केले. तर कुमारी अस्मिता इंगळे (९) हिने गणेश आरतीतून संसर्गजन्य आजारांविषयी संदेश दिला. कार्यक्रमाचे सूत्रसंचालन डॉ. आयेशा शेख यांनी केले तर आभार प्रदर्शन डॉ. सतीश राजुरकर यांनी मानले.

(चौकट) डेंगू मुक्त अभियानाची आकडेवारी

100 कर्मचारी कार्यरत, 20 टीमची रचना

आजपर्यंत 11 आठवडे अभियान राबविले

12,000 घरांची तपासणी

36,000 पाणीसाठ्यांची पाहणी

570 दूषित पाणीसाठे आढळून नष्ट






********************************
********************************

   -  संपूर्ण महाराष्ट्रतील ज्वलंत प्रश्नांशी निगडीत असलेले  -

** साप्ताहिक शीतल टाईम्स **

R.N.I.NO.MAHMAR/2003/13182

 - बातम्या व जाहिरातीसाठी
 *********-संपर्क-**********

✒️ मुख्य संपादक  - नरेंद्र लचके 

********** मो. 9225327176

✒️ उपसंपादक - सुहास शेलर

********* मो. 8485867429

✒️ जिल्हा प्रतिनिधी - शकील(बाबा)शेख

********* मो. 9273729867  

*******************************
*******************************


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

बेलापूर खुर्द येथील महिलेचा रेल्वेखाली सापडून मृत्यू शीतल टाइम्स प्रतिनिधी

-
इमेज
बेलापूर खुर्द येथील महिलेचा रेल्वेखाली सापडून मृत्यू प्रतिकात्मक चित्र  शीतल टाइम्स प्रतिनिधी  बेलापूर (प्रतिनिधी) : श्रीरामपूर तालुक्यातील बेलापूर खुर्द येथील कमलबाई आनंदा रणदिवे (वय अंदाजे ५५) या महिलेचा आज दुपारी रेल्वेखाली सापडून मृत्यू झाला. मिळालेल्या माहितीनुसार, तहसील कार्यालयातील डोलाच्या प्रकरणात पैसे मिळत नसल्याने त्या वारंवार तहसील कार्यालयात चकरा मारत होत्या. आजही त्या तहसील कार्यालयात जाण्यासाठी निघाल्या होत्या. दरम्यान, बेलापूर रेल्वे स्थानकाजवळील जुन्या मालधक्का परिसरातून रेल्वे रुळ ओलांडत असताना त्यांच्या साडीचा पदर रुळाला अडकला. तेवढ्यात रेल्वे येत असल्याने सोबत असलेल्या दोन महिलांनी रुळ पार केला, मात्र कमलबाई रणदिवे यांच्या साडीचा पदर गुंतल्याने त्यांना रुळ ओलांडता आला नाही आणि त्या दुर्दैवाने रेल्वेखाली सापडल्या. यात त्यांचा जागीच मृत्यू झाला. या दुर्घटनेमुळे परिसरात हळहळ व्यक्त होत असून, तहसील कार्यालयातील डोलाच्या प्रकरणातील विलंबामुळे त्या मानसिक तणावाखाली असल्याचे ग्रामस्थांकडून सांगण्यात आले. ******************************** ***************************...
अधिक वाचा

शीतल टाइम्स //- तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी दोन दिवसांत तोडगा निघणार

-
इमेज
  शीतल टाइम्स प्रतिनिधी तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी  दोन दिवसांत तोडगा निघणार श्रीरामपूर (प्रतिनिधी) स्वस्त धान्य दुकानांच्या ई-पॉज मशिनमध्ये तांत्रिक बिघाड झाल्याने मराठीत नावे फीडिंग केलेल्या रेशनकार्ड धारकांचे बिल तयार होत नसल्याची समस्या उद्भवली आहे. परिणामी हजारो गोरगरीब कुटुंबांना सप्टेंबर महिन्यातील धान्य वाटपापासून वंचित राहण्याची वेळ आली असून नागरिकांत तीव्र नाराजी व्यक्त होत आहे. माहितीनुसार, इंग्रजी डाटा फीडिंग असलेल्या कार्डांचे बिल सहज निघत असल्याने अशा कार्डधारकांना धान्य मिळत आहे. मात्र मराठी भाषेत नावे नोंदवलेले लाभधारकांचे बिल मशिनवरून निघत नसल्याने दुकानदार धान्य वाटप करू शकत नाहीत. यामुळे दुकानदार आणि लाभधारकांमध्ये वादाची परिस्थिती निर्माण झाली असून, “मागील महिन्यात धान्य मिळाले, मग यावेळी का मिळत नाही?” असा प्रश्न लाभधारक विचारत आहेत. या समस्येचा परिणाम महाराष्ट्रातील ज्या जिल्ह्यांमध्ये ओयासिस कंपनीची ई-पॉज मशीन्स कार्यरत आहेत, त्याच ठिकाणी होत असल्याचे समजते. याबाबत ऑल महाराष्ट्र फेअर प्राईस शॉप...
अधिक वाचा

शीतल टाइम्स //- गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव

-
इमेज
   शीतल टाइम्स प्रतिनिधी   गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव बेलापूर (वार्ताहर) श्रीरामपूर तालुक्यातील उक्कलगाव येथे गोवंशीय जनावरांची वाहतूक केली, या संशयावरून काही गोरक्षकांनी एका शेतकऱ्याला बेदम मारहाण केल्याची घटना शनिवारी रात्री घडली. या घटनेमुळे गावात तणावाचे वातावरण निर्माण झाले असून शेतकऱ्यांमध्ये भीतीचे वातावरण पसरले आहे. मिळालेल्या माहितीनुसार, उक्कलगाव येथील धनवाट रोड परिसरात २५ ते ३० जणांचा जमाव जमा झाला होता. या जमावाने गावातीलच एका शेतकरी तरुणाला थांबवून त्याला लाथाबुक्क्यांनी मारहाण केली. काही काळ गावात मोठी गर्दी जमली होती. मारहाणीनंतर गावात तणाव निर्माण झाला. गावात अफवा पसरल्याने दुसऱ्या दिवशी सकाळी मोठा जमाव जमला. मारहाण करणारे तरुण मात्र रात्रीच पसार झाले. पोलीस या प्रकरणाचा तपास करत आहेत, मात्र अद्याप कोणतीही तक्रार दाखल झालेली नसल्याचे पोलिस सूत्रांनी सांगितले. महाराष्ट्रात गोवंश हत्येला बंदी लागू झाल्यानंतर गोरक्षकांच्या नावाखाली अनेक वेळा अशा प्रकारच्या मारहाणीच्या व लुटमारीच्या घटना घडत असल्याचे निदर्शनास य...
अधिक वाचा