शीतल टाइम्स //- संजय साळवे यांची जिल्हा व्यवस्थापन समितीवर निवड

-

 

शीतल टाइम्स प्रतिनिधी



संजय साळवे यांची जिल्हा व्यवस्थापन समितीवर निवड

श्रीरामपूर (वार्ताहर)

जिल्हा दिव्यांग पुनर्वसन केंद्राच्या कामकाजाच्या दृष्टीने नव्याने जिल्हा व्यवस्थापन समिती गठित करण्यात आली असून या समितीवर श्रीरामपूरचे वैद्यकीय सामाजिक अधिकारी संजय साळवे यांची अशासकीय सदस्य म्हणून निवड झाली आहे.

गठित समितीमध्ये अध्यक्ष म्हणून जिल्हाधिकारी अहिल्यानगर, उपाध्यक्ष म्हणून जिल्हा परिषदेचे मुख्य कार्यकारी अधिकारी, सदस्य म्हणून जिल्हा शल्यचिकित्सक, जिल्हा महिला व बाल विकास अधिकारी, डॉ. अभिजीत दिवटे (प्रकल्प संचालक, जिल्हा दिव्यांग पुनर्वसन केंद्र), अशासकीय सदस्य म्हणून संजय साळवे, बबन मस्के, रत्नाकर ठाणगे, तसेच सदस्य सचिव म्हणून जिल्हा दिव्यांग सक्षमीकरण अधिकारी यांचा समावेश आहे.

संजय साळवे हे गेल्या तीन दशकांहून अधिक काळ दिव्यांगांच्या सामाजिक, आर्थिक, सांस्कृतिक उन्नतीसाठी कार्यरत आहेत. अपंग सामाजिक विकास संस्था श्रीरामपूर आणि आसान दिव्यांग संघटना महाराष्ट्र तसेच रोटरी मूकबधिर विद्यालय संचलित मार्गदर्शन व पुनर्वसन केंद्राच्या माध्यमातून त्यांनी हजारो दिव्यांगांना स्वावलंबी बनवले आहे.

त्यांच्या प्रयत्नांतून आतापर्यंत 58 दिव्यांगांना बीजभांडवल योजना, 38 जणांना जिल्हा परिषदेच्या 5% सेस फंडातून पिठाची गिरणी, 14 जणांना बॅटरी सायकली तसेच व्हीलचेअर, कुबड्या व विविध कृत्रिम साहित्य लाभार्थ्यांना मिळाले आहे. त्यांनी दरवर्षी राज्यस्तरीय दिव्यांग वधू-वर परिचय मेळावे व सामुदायिक विवाह सोहळे आयोजित करून आजपर्यंत 288 दिव्यांगांचे विवाह मोफत करून दिले आहेत.

आरोग्य शिबिरांचे आयोजन, दिव्यांग महिला सन्मान सोहळा, संजय गांधी निराधार योजना, अंत्योदय योजना, स्वतंत्र रेशन कार्ड अशा विविध योजनांचा लाभ हजारो दिव्यांगांना मिळवून देण्यात त्यांनी मोठे योगदान दिले आहे. तसेच अलीमको नवी दिल्लीच्या माध्यमातून 112 दिव्यांगांना मोफत कृत्रिम हातपाय व कॅलिपर्स उपलब्ध करून दिले आहेत.

त्यांच्या या कार्याची दखल घेऊनच त्यांची जिल्हा व्यवस्थापन समितीवर निवड करण्यात आली असून जिल्हा दिव्यांग सक्षमीकरण अधिकारी प्रशांत गायकवाड, जिल्हा समन्वयक डॉ. दीपक अनाप आणि दिव्यांग शाळा शिक्षक-शिक्षकेतर कर्मचारी संघटनेने त्यांचे अभिनंदन केले आहे.

 



********************************
********************************

   -  संपूर्ण महाराष्ट्रतील ज्वलंत प्रश्नांशी निगडीत असलेले  -

** साप्ताहिक शीतल टाईम्स **

R.N.I.NO.MAHMAR/2003/13182

 - बातम्या व जाहिरातीसाठी
 *********-संपर्क-**********

✒️ मुख्य संपादक  - नरेंद्र लचके 

********** मो. 9225327176

✒️ उपसंपादक - सुहास शेलर

********* मो. 8485867429

✒️ जिल्हा प्रतिनिधी - शकील(बाबा)शेख

********* मो. 9273729867  

*******************************
*******************************


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

बेलापूर खुर्द येथील महिलेचा रेल्वेखाली सापडून मृत्यू शीतल टाइम्स प्रतिनिधी

-
इमेज
बेलापूर खुर्द येथील महिलेचा रेल्वेखाली सापडून मृत्यू प्रतिकात्मक चित्र  शीतल टाइम्स प्रतिनिधी  बेलापूर (प्रतिनिधी) : श्रीरामपूर तालुक्यातील बेलापूर खुर्द येथील कमलबाई आनंदा रणदिवे (वय अंदाजे ५५) या महिलेचा आज दुपारी रेल्वेखाली सापडून मृत्यू झाला. मिळालेल्या माहितीनुसार, तहसील कार्यालयातील डोलाच्या प्रकरणात पैसे मिळत नसल्याने त्या वारंवार तहसील कार्यालयात चकरा मारत होत्या. आजही त्या तहसील कार्यालयात जाण्यासाठी निघाल्या होत्या. दरम्यान, बेलापूर रेल्वे स्थानकाजवळील जुन्या मालधक्का परिसरातून रेल्वे रुळ ओलांडत असताना त्यांच्या साडीचा पदर रुळाला अडकला. तेवढ्यात रेल्वे येत असल्याने सोबत असलेल्या दोन महिलांनी रुळ पार केला, मात्र कमलबाई रणदिवे यांच्या साडीचा पदर गुंतल्याने त्यांना रुळ ओलांडता आला नाही आणि त्या दुर्दैवाने रेल्वेखाली सापडल्या. यात त्यांचा जागीच मृत्यू झाला. या दुर्घटनेमुळे परिसरात हळहळ व्यक्त होत असून, तहसील कार्यालयातील डोलाच्या प्रकरणातील विलंबामुळे त्या मानसिक तणावाखाली असल्याचे ग्रामस्थांकडून सांगण्यात आले. ******************************** ***************************...
अधिक वाचा

शीतल टाइम्स //- तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी दोन दिवसांत तोडगा निघणार

-
इमेज
  शीतल टाइम्स प्रतिनिधी तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी  दोन दिवसांत तोडगा निघणार श्रीरामपूर (प्रतिनिधी) स्वस्त धान्य दुकानांच्या ई-पॉज मशिनमध्ये तांत्रिक बिघाड झाल्याने मराठीत नावे फीडिंग केलेल्या रेशनकार्ड धारकांचे बिल तयार होत नसल्याची समस्या उद्भवली आहे. परिणामी हजारो गोरगरीब कुटुंबांना सप्टेंबर महिन्यातील धान्य वाटपापासून वंचित राहण्याची वेळ आली असून नागरिकांत तीव्र नाराजी व्यक्त होत आहे. माहितीनुसार, इंग्रजी डाटा फीडिंग असलेल्या कार्डांचे बिल सहज निघत असल्याने अशा कार्डधारकांना धान्य मिळत आहे. मात्र मराठी भाषेत नावे नोंदवलेले लाभधारकांचे बिल मशिनवरून निघत नसल्याने दुकानदार धान्य वाटप करू शकत नाहीत. यामुळे दुकानदार आणि लाभधारकांमध्ये वादाची परिस्थिती निर्माण झाली असून, “मागील महिन्यात धान्य मिळाले, मग यावेळी का मिळत नाही?” असा प्रश्न लाभधारक विचारत आहेत. या समस्येचा परिणाम महाराष्ट्रातील ज्या जिल्ह्यांमध्ये ओयासिस कंपनीची ई-पॉज मशीन्स कार्यरत आहेत, त्याच ठिकाणी होत असल्याचे समजते. याबाबत ऑल महाराष्ट्र फेअर प्राईस शॉप...
अधिक वाचा

शीतल टाइम्स //- गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव

-
इमेज
   शीतल टाइम्स प्रतिनिधी   गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव बेलापूर (वार्ताहर) श्रीरामपूर तालुक्यातील उक्कलगाव येथे गोवंशीय जनावरांची वाहतूक केली, या संशयावरून काही गोरक्षकांनी एका शेतकऱ्याला बेदम मारहाण केल्याची घटना शनिवारी रात्री घडली. या घटनेमुळे गावात तणावाचे वातावरण निर्माण झाले असून शेतकऱ्यांमध्ये भीतीचे वातावरण पसरले आहे. मिळालेल्या माहितीनुसार, उक्कलगाव येथील धनवाट रोड परिसरात २५ ते ३० जणांचा जमाव जमा झाला होता. या जमावाने गावातीलच एका शेतकरी तरुणाला थांबवून त्याला लाथाबुक्क्यांनी मारहाण केली. काही काळ गावात मोठी गर्दी जमली होती. मारहाणीनंतर गावात तणाव निर्माण झाला. गावात अफवा पसरल्याने दुसऱ्या दिवशी सकाळी मोठा जमाव जमला. मारहाण करणारे तरुण मात्र रात्रीच पसार झाले. पोलीस या प्रकरणाचा तपास करत आहेत, मात्र अद्याप कोणतीही तक्रार दाखल झालेली नसल्याचे पोलिस सूत्रांनी सांगितले. महाराष्ट्रात गोवंश हत्येला बंदी लागू झाल्यानंतर गोरक्षकांच्या नावाखाली अनेक वेळा अशा प्रकारच्या मारहाणीच्या व लुटमारीच्या घटना घडत असल्याचे निदर्शनास य...
अधिक वाचा