शीतल टाइम्स //- अनंत चतुर्दशी विसर्जन सोहळ्यासाठी बेलापूरमध्ये हरिहर फाऊंडेशनचा “स्वच्छ प्रवरामाई” उपक्रम

-

 

शीतल टाइम्स प्रतिनिधी 

प्रतिकात्मक चित्र 

अनंत चतुर्दशी विसर्जन सोहळ्यासाठी बेलापूरमध्ये हरिहर फाऊंडेशनचा “स्वच्छ प्रवरामाई” उपक्रम

बेलापूर (प्रतिनिधी)

उद्या शनिवार, दि. ६ सप्टेंबर २०२५ रोजी अनंत चतुर्दशी निमित्त गणेश विसर्जन सोहळ्यासाठी बेलापूरमध्ये जोरदार तयारी सुरू असून हरिहर फाऊंडेशन आणि कानिफनाथ मित्र मंडळ यांच्या संयुक्त विद्यमाने “स्वच्छ प्रवरामाई” उपक्रम राबविण्यात येणार आहे. पर्यावरणपूरक विसर्जन, निर्माल्य संकलन व गावाची स्वच्छता या त्रिसूत्रीवर भर देत यंदाचा उपक्रम आखण्यात आला आहे.

कार्यक्रमाची सुरुवात सकाळी १० वाजता छत्रपती शिवाजी महाराजांच्या प्रतिमेस पुष्पहार अर्पण करून होणार आहे. सकाळी १०.३० पासून मूर्ती व निर्माल्य संकलनाची सेवा सुरू होईल. यासाठी विशेष ट्रॅक्टर-ट्रॉलीची व्यवस्था करण्यात आली असून, गावातील प्रमुख चौकांवर स्वयंसेवक नागरिकांना मार्गदर्शन करणार आहेत. विसर्जनानंतर मूर्तीतील साहित्य, पूजावस्तू व फुलांचे निर्माल्य हे नदी-नाल्यात न टाकता वेगळे संकलित करून त्याचे योग्य व्यवस्थापन केले जाणार आहे.

संध्याकाळी ५ वाजता झेंडा चौक येथे ग्रामपंचायत बेलापूर आणि वि.वि. कार्यकारी सोसायटीतील कामगारांच्या शुभहस्ते श्रींची आरती करण्यात येणार आहे. आरतीनंतर मिरवणूक निघून पाण्याच्या टाकीजवळ तयार करण्यात आलेल्या कृत्रिम तलावात गणेशमूर्तींचे विधीवत विसर्जन केले जाईल. या कृत्रिम तलावामुळे नदीतील प्रदूषण रोखण्यास मदत होणार असून, ग्रामस्थ व तरुणांनी या पर्यावरणपूरक उपक्रमाचे स्वागत केले आहे.

झेंडा चौक येथून सुरू होणारी ही मिरवणूक अरुण कुमार वैद्य पथ, केशव गोविंद मंदिर, पेठमार्गे पुन्हा झेंडा चौकात येईल आणि तेथून विसर्जन स्थळी पोहोचेल.

​'स्वच्छ प्रवरामाई' या उपक्रमाला पाठिंबा देत, नदीचे प्रदूषण टाळण्यासाठी कृत्रिम तलावातच विसर्जन करण्याचे आवाहन आयोजकांनी केले आहे. अधिक माहितीसाठी, ७२४९७२१०३३ किंवा ९५७९४२१६५१ या क्रमांकावर संपर्क साधावा.



********************************
********************************

   -  संपूर्ण महाराष्ट्रतील ज्वलंत प्रश्नांशी निगडीत असलेले  -

** साप्ताहिक शीतल टाईम्स **

R.N.I.NO.MAHMAR/2003/13182

 - बातम्या व जाहिरातीसाठी
 *********-संपर्क-**********

✒️ मुख्य संपादक  - नरेंद्र लचके 

********** मो. 9225327176

✒️ उपसंपादक - सुहास शेलर

********* मो. 8485867429

✒️ जिल्हा प्रतिनिधी - शकील(बाबा)शेख

********* मो. 9273729867  

*******************************
*******************************


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

बेलापूर खुर्द येथील महिलेचा रेल्वेखाली सापडून मृत्यू शीतल टाइम्स प्रतिनिधी

-
इमेज
बेलापूर खुर्द येथील महिलेचा रेल्वेखाली सापडून मृत्यू प्रतिकात्मक चित्र  शीतल टाइम्स प्रतिनिधी  बेलापूर (प्रतिनिधी) : श्रीरामपूर तालुक्यातील बेलापूर खुर्द येथील कमलबाई आनंदा रणदिवे (वय अंदाजे ५५) या महिलेचा आज दुपारी रेल्वेखाली सापडून मृत्यू झाला. मिळालेल्या माहितीनुसार, तहसील कार्यालयातील डोलाच्या प्रकरणात पैसे मिळत नसल्याने त्या वारंवार तहसील कार्यालयात चकरा मारत होत्या. आजही त्या तहसील कार्यालयात जाण्यासाठी निघाल्या होत्या. दरम्यान, बेलापूर रेल्वे स्थानकाजवळील जुन्या मालधक्का परिसरातून रेल्वे रुळ ओलांडत असताना त्यांच्या साडीचा पदर रुळाला अडकला. तेवढ्यात रेल्वे येत असल्याने सोबत असलेल्या दोन महिलांनी रुळ पार केला, मात्र कमलबाई रणदिवे यांच्या साडीचा पदर गुंतल्याने त्यांना रुळ ओलांडता आला नाही आणि त्या दुर्दैवाने रेल्वेखाली सापडल्या. यात त्यांचा जागीच मृत्यू झाला. या दुर्घटनेमुळे परिसरात हळहळ व्यक्त होत असून, तहसील कार्यालयातील डोलाच्या प्रकरणातील विलंबामुळे त्या मानसिक तणावाखाली असल्याचे ग्रामस्थांकडून सांगण्यात आले. ******************************** ***************************...
अधिक वाचा

शीतल टाइम्स //- तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी दोन दिवसांत तोडगा निघणार

-
इमेज
  शीतल टाइम्स प्रतिनिधी तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी  दोन दिवसांत तोडगा निघणार श्रीरामपूर (प्रतिनिधी) स्वस्त धान्य दुकानांच्या ई-पॉज मशिनमध्ये तांत्रिक बिघाड झाल्याने मराठीत नावे फीडिंग केलेल्या रेशनकार्ड धारकांचे बिल तयार होत नसल्याची समस्या उद्भवली आहे. परिणामी हजारो गोरगरीब कुटुंबांना सप्टेंबर महिन्यातील धान्य वाटपापासून वंचित राहण्याची वेळ आली असून नागरिकांत तीव्र नाराजी व्यक्त होत आहे. माहितीनुसार, इंग्रजी डाटा फीडिंग असलेल्या कार्डांचे बिल सहज निघत असल्याने अशा कार्डधारकांना धान्य मिळत आहे. मात्र मराठी भाषेत नावे नोंदवलेले लाभधारकांचे बिल मशिनवरून निघत नसल्याने दुकानदार धान्य वाटप करू शकत नाहीत. यामुळे दुकानदार आणि लाभधारकांमध्ये वादाची परिस्थिती निर्माण झाली असून, “मागील महिन्यात धान्य मिळाले, मग यावेळी का मिळत नाही?” असा प्रश्न लाभधारक विचारत आहेत. या समस्येचा परिणाम महाराष्ट्रातील ज्या जिल्ह्यांमध्ये ओयासिस कंपनीची ई-पॉज मशीन्स कार्यरत आहेत, त्याच ठिकाणी होत असल्याचे समजते. याबाबत ऑल महाराष्ट्र फेअर प्राईस शॉप...
अधिक वाचा

शीतल टाइम्स //- गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव

-
इमेज
   शीतल टाइम्स प्रतिनिधी   गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव बेलापूर (वार्ताहर) श्रीरामपूर तालुक्यातील उक्कलगाव येथे गोवंशीय जनावरांची वाहतूक केली, या संशयावरून काही गोरक्षकांनी एका शेतकऱ्याला बेदम मारहाण केल्याची घटना शनिवारी रात्री घडली. या घटनेमुळे गावात तणावाचे वातावरण निर्माण झाले असून शेतकऱ्यांमध्ये भीतीचे वातावरण पसरले आहे. मिळालेल्या माहितीनुसार, उक्कलगाव येथील धनवाट रोड परिसरात २५ ते ३० जणांचा जमाव जमा झाला होता. या जमावाने गावातीलच एका शेतकरी तरुणाला थांबवून त्याला लाथाबुक्क्यांनी मारहाण केली. काही काळ गावात मोठी गर्दी जमली होती. मारहाणीनंतर गावात तणाव निर्माण झाला. गावात अफवा पसरल्याने दुसऱ्या दिवशी सकाळी मोठा जमाव जमला. मारहाण करणारे तरुण मात्र रात्रीच पसार झाले. पोलीस या प्रकरणाचा तपास करत आहेत, मात्र अद्याप कोणतीही तक्रार दाखल झालेली नसल्याचे पोलिस सूत्रांनी सांगितले. महाराष्ट्रात गोवंश हत्येला बंदी लागू झाल्यानंतर गोरक्षकांच्या नावाखाली अनेक वेळा अशा प्रकारच्या मारहाणीच्या व लुटमारीच्या घटना घडत असल्याचे निदर्शनास य...
अधिक वाचा