शीतल टाइम्स //-उक्कलगावात इंद्रनाथ पाटील थोरात यांचा सत्कार गुंडांचा कायमचा बंदोबस्त करू- उपविभागीय पोलीस अधिकारी जयदत्त भवर यांची ग्वाही

-

 

शीतल टाइम्स प्रतिनिधी


उक्कलगावात इंद्रनाथ पाटील थोरात यांचा सत्कार 

गुंडांचा कायमचा बंदोबस्त करू- उपविभागीय पोलीस अधिकारी जयदत्त भवर यांची ग्वाही

बेलापूर (प्रतिनिधी)

समाजातील प्रतिष्ठित व चांगल्या व्यक्तींना जर कुणी त्रास दिला किंवा हल्ला केला, तर अशा गुंडांचा कायमचा बंदोबस्त करण्याची जबाबदारी पोलीस यंत्रणेची असून, ती जबाबदारी आम्ही निश्चित पार पाडू, अशी ठाम ग्वाही श्रीरामपूर उपविभागीय पोलीस अधिकारी जयदत्त भवर यांनी दिली.

उक्कलगाव येथील खरेदी विक्री संघाचे चेअरमन इंद्रनाथ पाटील थोरात यांच्यावर काही दिवसांपूर्वी गावकुंडांनी जीवघेणा हल्ला केला होता. या प्रकरणी संपूर्ण गावकऱ्यांनी एकी दाखवत निषेध नोंदविला. तसेच पालकमंत्री नामदार राधाकृष्ण विखे पाटील यांनीही घटनेत लक्ष घालण्याच्या सूचना दिल्या आहेत.

या पार्श्वभूमीवर आयोजित कार्यक्रमात, उपविभागीय पोलीस अधिकारी जयदत्त भवर व ह.भ.प. शुभम महाराज कांडेकर यांच्या उपस्थितीत थोरात यांचा सत्कार करण्यात आला. अध्यक्षस्थानावरून बोलताना भवर म्हणाले की, "उक्कलगाव हे आदर्श, राजकारण विरहित आणि एकोप्याचे गाव आहे. गावातील प्रतिष्ठित व्यक्तीवर हल्ला होणे ही गंभीर बाब आहे. गुन्हेगारांना कठोर शासन व्हावे यासाठी पोलिसांकडून सर्वतोपरी प्रयत्न केले जातील."

या वेळी बोलताना इंद्रनाथ पाटील थोरात म्हणाले, "राजकीय आणि सामाजिक जीवनात कार्यरत असताना माझ्यावर प्राणघातक हल्ला होण्याची ही पहिली वेळ आहे. हल्ल्याच्या वेळी व त्यानंतर सर्वजण माझ्या मदतीला धावून आले. त्यामुळेच मी वाचलो आणि या संकटाचा सामना करण्याचे बळ मिळाले. याबद्दल मी मनःपूर्वक कृतज्ञ आहे."

कार्यक्रमात हल्ल्यावेळी मदतीला धावून आलेले सतीश बोर्डे, विलास बोर्डे, विजय बोर्डे, विकास बोर्डे, जालिंदर बोर्डे, मा. चेअरमन प्रकाश जगधने, सचिव शिवाजी थोरात, पत्रकार देविदास देसाई यांच्यासह अनेकांना सन्मानित करण्यात आले. तसेच शिंदुर ऑपरेशनमध्ये विशेष कामगिरी बजावून शौर्यपदक मिळवलेले वायुदलाचे अधिकारी देवेंद्र औताडे यांचाही सत्कार झाला.

या प्रसंगी शुभम महाराज खांडेकर, पोलीस उपनिरीक्षक राजेंद्र गोडगे, माजी सभापती पी.आर. शिंदे, अशोक कारखान्याचे माजी चेअरमन रावसाहेब पाटील थोरात, अॅड. दादासाहेब अवताडे, विजय मुंडे, चंपालाल भोपळे, ह.भ.प. उल्हास महाराज तांबे, उक्कलगाव सरपंच रवीना शिंदे, सोसायटीचे चेअरमन श्रीकांत जगधने, अॅड. संदीप चोरगे, डॉ. एकनाथ ढोणे, तुकाराम शिंदे, जालिंदर लवांडे, पोलीस पाटील हिराबाई रजपूत तसेच सोसायटी संचालक, ग्रामपंचायत सदस्य व ग्रामस्थ मोठ्या संख्येने उपस्थित होते.

कार्यक्रमाचे सूत्रसंचालन व प्रास्ताविक विकास पाटील थोरात यांनी केले तर व्हा. चेअरमन पुरुषोत्तम थोरात यांनी आभार मानले.



********************************
********************************

   -  संपूर्ण महाराष्ट्रतील ज्वलंत प्रश्नांशी निगडीत असलेले  -

** साप्ताहिक शीतल टाईम्स **

R.N.I.NO.MAHMAR/2003/13182

 - बातम्या व जाहिरातीसाठी
 *********-संपर्क-**********

✒️ मुख्य संपादक  - नरेंद्र लचके 

********** मो. 9225327176

✒️ उपसंपादक - सुहास शेलर

********* मो. 8485867429

✒️ जिल्हा प्रतिनिधी - शकील(बाबा)शेख

********* मो. 9273729867  

*******************************
*******************************


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

बेलापूर खुर्द येथील महिलेचा रेल्वेखाली सापडून मृत्यू शीतल टाइम्स प्रतिनिधी

-
इमेज
बेलापूर खुर्द येथील महिलेचा रेल्वेखाली सापडून मृत्यू प्रतिकात्मक चित्र  शीतल टाइम्स प्रतिनिधी  बेलापूर (प्रतिनिधी) : श्रीरामपूर तालुक्यातील बेलापूर खुर्द येथील कमलबाई आनंदा रणदिवे (वय अंदाजे ५५) या महिलेचा आज दुपारी रेल्वेखाली सापडून मृत्यू झाला. मिळालेल्या माहितीनुसार, तहसील कार्यालयातील डोलाच्या प्रकरणात पैसे मिळत नसल्याने त्या वारंवार तहसील कार्यालयात चकरा मारत होत्या. आजही त्या तहसील कार्यालयात जाण्यासाठी निघाल्या होत्या. दरम्यान, बेलापूर रेल्वे स्थानकाजवळील जुन्या मालधक्का परिसरातून रेल्वे रुळ ओलांडत असताना त्यांच्या साडीचा पदर रुळाला अडकला. तेवढ्यात रेल्वे येत असल्याने सोबत असलेल्या दोन महिलांनी रुळ पार केला, मात्र कमलबाई रणदिवे यांच्या साडीचा पदर गुंतल्याने त्यांना रुळ ओलांडता आला नाही आणि त्या दुर्दैवाने रेल्वेखाली सापडल्या. यात त्यांचा जागीच मृत्यू झाला. या दुर्घटनेमुळे परिसरात हळहळ व्यक्त होत असून, तहसील कार्यालयातील डोलाच्या प्रकरणातील विलंबामुळे त्या मानसिक तणावाखाली असल्याचे ग्रामस्थांकडून सांगण्यात आले. ******************************** ***************************...
अधिक वाचा

शीतल टाइम्स //- तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी दोन दिवसांत तोडगा निघणार

-
इमेज
  शीतल टाइम्स प्रतिनिधी तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी  दोन दिवसांत तोडगा निघणार श्रीरामपूर (प्रतिनिधी) स्वस्त धान्य दुकानांच्या ई-पॉज मशिनमध्ये तांत्रिक बिघाड झाल्याने मराठीत नावे फीडिंग केलेल्या रेशनकार्ड धारकांचे बिल तयार होत नसल्याची समस्या उद्भवली आहे. परिणामी हजारो गोरगरीब कुटुंबांना सप्टेंबर महिन्यातील धान्य वाटपापासून वंचित राहण्याची वेळ आली असून नागरिकांत तीव्र नाराजी व्यक्त होत आहे. माहितीनुसार, इंग्रजी डाटा फीडिंग असलेल्या कार्डांचे बिल सहज निघत असल्याने अशा कार्डधारकांना धान्य मिळत आहे. मात्र मराठी भाषेत नावे नोंदवलेले लाभधारकांचे बिल मशिनवरून निघत नसल्याने दुकानदार धान्य वाटप करू शकत नाहीत. यामुळे दुकानदार आणि लाभधारकांमध्ये वादाची परिस्थिती निर्माण झाली असून, “मागील महिन्यात धान्य मिळाले, मग यावेळी का मिळत नाही?” असा प्रश्न लाभधारक विचारत आहेत. या समस्येचा परिणाम महाराष्ट्रातील ज्या जिल्ह्यांमध्ये ओयासिस कंपनीची ई-पॉज मशीन्स कार्यरत आहेत, त्याच ठिकाणी होत असल्याचे समजते. याबाबत ऑल महाराष्ट्र फेअर प्राईस शॉप...
अधिक वाचा

शीतल टाइम्स //- गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव

-
इमेज
   शीतल टाइम्स प्रतिनिधी   गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव बेलापूर (वार्ताहर) श्रीरामपूर तालुक्यातील उक्कलगाव येथे गोवंशीय जनावरांची वाहतूक केली, या संशयावरून काही गोरक्षकांनी एका शेतकऱ्याला बेदम मारहाण केल्याची घटना शनिवारी रात्री घडली. या घटनेमुळे गावात तणावाचे वातावरण निर्माण झाले असून शेतकऱ्यांमध्ये भीतीचे वातावरण पसरले आहे. मिळालेल्या माहितीनुसार, उक्कलगाव येथील धनवाट रोड परिसरात २५ ते ३० जणांचा जमाव जमा झाला होता. या जमावाने गावातीलच एका शेतकरी तरुणाला थांबवून त्याला लाथाबुक्क्यांनी मारहाण केली. काही काळ गावात मोठी गर्दी जमली होती. मारहाणीनंतर गावात तणाव निर्माण झाला. गावात अफवा पसरल्याने दुसऱ्या दिवशी सकाळी मोठा जमाव जमला. मारहाण करणारे तरुण मात्र रात्रीच पसार झाले. पोलीस या प्रकरणाचा तपास करत आहेत, मात्र अद्याप कोणतीही तक्रार दाखल झालेली नसल्याचे पोलिस सूत्रांनी सांगितले. महाराष्ट्रात गोवंश हत्येला बंदी लागू झाल्यानंतर गोरक्षकांच्या नावाखाली अनेक वेळा अशा प्रकारच्या मारहाणीच्या व लुटमारीच्या घटना घडत असल्याचे निदर्शनास य...
अधिक वाचा