शीतल टाइम्स //- बेलापूर ग्रामपंचायतीचा इशाऱ्यानंतर लोडशेडिंग तात्पुरते मागे गणेशोत्सवाच्या पार्श्वभूमीवर दिलासा
शीतल टाइम्स प्रतिनिधी
बेलापूर ग्रामपंचायतीचा इशाऱ्यानंतर लोडशेडिंग तात्पुरते मागे
गणेशोत्सवाच्या पार्श्वभूमीवर दिलासा
बेलापूर प्रतिनिधी:
बेलापूर बुद्रुक गावात सुरू असलेल्या लोडशेडिंगमुळे संतप्त झालेल्या ग्रामपंचायतीच्या इशाऱ्यानंतर महावितरणने अखेर लोडशेडिंग मागे घेतले आहे. गणेशोत्सवाच्या पार्श्वभूमीवर हा निर्णय तात्पुरता घेण्यात आल्याचे महावितरणच्या प्रतिक्रियेतून समोर आले आहे.
२५ ऑगस्ट पासून बेलापूर गावात सकाळी ६ ते ८ आणि दुपारी ४ ते ६ अशा दोन टप्प्यांत अचानक लोडशेडिंग सुरू करण्यात आले होते. यामुळे गावातील व्यापारी, छोटे व्यावसायिक, शेतकरी आणि विद्यार्थ्यांचे मोठे नुकसान होत होते. लोडशेडिंगमुळे पाणीपुरवठा देखील विस्कळीत झाल्याने नागरिक त्रस्त झाले होते.
या गंभीर समस्येची दखल घेत, सरपंच मीनाताई साळवी आणि उपसरपंच चंद्रकांत नवले यांच्या नेतृत्वाखाली ग्रामपंचायतीने महावितरणच्या सहाय्यक अभियंत्यांना लेखी निवेदन दिले. या निवेदनात, नियमित वीजबिल वसुली होत असतानाही लोडशेडिंग लादणे अन्यायकारक असल्याचे नमूद करत, जर लोडशेडिंग तातडीने बंद केले नाही तर ग्रामस्थांसह तीव्र आंदोलन करण्याचा इशारा देण्यात आला होता.
ग्रामपंचायतीच्या या आक्रमक भूमिकेनंतर, महावितरणने तातडीने पाऊले उचलली आणि गावातील लोडशेडिंग मागे घेतले. मात्र, हा निर्णय गणेशोत्सवाच्या पार्श्वभूमीवर तात्पुरता घेण्यात आल्याचे महावितरणकडून सूचित होत आहे. या निर्णयामुळे गावातील नागरिकांना तात्पुरता दिलासा मिळाला असला तरी, भविष्यात लोडशेडिंग पुन्हा सुरू होण्याची शक्यता नाकारता येत नाही.
********************************
********************************
- संपूर्ण महाराष्ट्रतील ज्वलंत प्रश्नांशी निगडीत असलेले -
** साप्ताहिक शीतल टाईम्स **
R.N.I.NO.MAHMAR/2003/13182
- बातम्या व जाहिरातीसाठी
*********-संपर्क-**********
✒️ मुख्य संपादक - नरेंद्र लचके
********** मो. 9225327176
✒️ उपसंपादक - सुहास शेलर
********* मो. 8485867429
✒️ जिल्हा प्रतिनिधी - शकील(बाबा)शेख
********* मो. 9273729867
*******************************
*******************************
टिप्पण्या
टिप्पणी पोस्ट करा