शीतल टाइम्स //- आई म्हणजे साक्षात देवी स्वरुप : धनश्री विखे

-

 

शीतल टाइम्स प्रतिनिधी




आई म्हणजे साक्षात देवी स्वरुप : धनश्री विखे

बेलापूर (प्रतिनिधी):

सध्या नवरात्रोत्सव सुरू असून आई म्हणजे साक्षात देवीचे स्वरुप असते, असे प्रतिपादन सौ. धनश्री सुजयदादा विखे पा. यांनी केले. विखे परिवार हा समाजसेवेला प्रधान्य देणारा असून जनसेवा फौंडेशनच्या माध्यमातून विविध सामाजिक उपक्रम राबवले जातात. याचाच भाग म्हणून नवरात्रोत्सवाच्या निमित्ताने बेलापूर-ऐनतपूर परिसरातील प्राथमिक शाळांमधील विद्यार्थ्यांना टिफिनचे वाटप करण्यात आले.

हा उपक्रम जनसेवा फौंडेशन (लोणी) व गावकरी मंडळ यांच्या संयुक्त विद्यमाने घेण्यात आला. जि.प. प्राथमिक मराठी शाळा, जि.प. मुलींची शाळा, जि.प. उर्दू शाळा, अहिल्याबाई होळकर उर्दू शाळा, ऐनतपूर व सुभाषवाडी जि.प. शाळा, कुहे वस्ती, सातभाईवस्ती या शाळांतील विद्यार्थ्यांना टिफिन वाटप करण्यात आले.

कार्यक्रमाचे अध्यक्षस्थान जि.प. सदस्य शरद नवले यांनी भूषवले. यावेळी अभिषेक खंडागळे, गिरीधर आसने, भिमराव बांद्रे, रामराव शेटे, सौ. स्वाती चव्हाण, डॉ. शंकर मुठे, अनिल थोरात, महेंद्र पटारे, महेश खरात, विराज भोसले, विशाल अंभोरे आदी मान्यवर उपस्थित होते.

कार्यक्रमात सहाय्यक अभियंता शिरीष वाणी यांचा महावितरण उपविभाग मंजुरीसाठी सहकार्य केल्याबद्दल सत्कार करण्यात आला.
अध्यक्षीय भाषणात श्री. शरद नवले म्हणाले की, विखे परिवार हा सुसंस्कृत व सामाजिक जाणिवा असलेला परिवार असून पालकमंत्री नाम. राधाकृष्ण विखे पा., माजी जि.प. अध्यक्षा शालिनीताई विखे पा. व माजी खा. डॉ. सुजयदादा विखे पा. यांनी बेलापूर-ऐनतपूर गावांच्या विकासासाठी नेहमीच सहकार्य केले आहे.

प्रास्ताविकात अभिषेक खंडागळे यांनी पालकमंत्री नाम. राधाकृष्ण विखे पा. व सुजयदादा विखे यांच्या पुढाकारातून मंजूर झालेली १२६ कोटींची पाणीपुरवठा योजना, एक हजार घरकुले, तसेच नुकत्याच मिळालेल्या महावितरणच्या उपविभागाच्या मान्यतेची माहिती दिली.
भाजपचे सरचिटणीस प्रफुल्ल डावरे यांनी मनोगत व्यक्त केले. मुश्ताक शेख यांनी अध्यक्षीय सूचना मांडली, प्रभात कुऱ्हे यांनी अनुमोदन दिले. अनिल ओहोळ यांनी सूत्रसंचालन तर गोपी दाणी यांनी आभारप्रदर्शन केले.

जि.प. मुलींच्या शाळेच्या लेझीम पथकाने मान्यवरांचे स्वागत केले. कार्यक्रमास ग्रामपंचायत सदस्य, गावकरी मंडळाचे कार्यकर्ते, महिला वर्ग, शिक्षकवर्ग, ग्रामपंचायत अधिकारी निलेश लहारे, तसेच सर्व प्राथमिक शाळांचे मुख्याध्यापक व मोठ्या संख्येने पालक उपस्थित होते. 




********************************
********************************

   -  संपूर्ण महाराष्ट्रतील ज्वलंत प्रश्नांशी निगडीत असलेले  -

** साप्ताहिक शीतल टाईम्स **

R.N.I.NO.MAHMAR/2003/13182

 - बातम्या व जाहिरातीसाठी
 *********-संपर्क-**********

✒️ मुख्य संपादक  - नरेंद्र लचके 

********** मो. 9225327176

✒️ उपसंपादक - सुहास शेलर

********* मो. 8485867429

✒️ जिल्हा प्रतिनिधी - शकील(बाबा)शेख

********* मो. 9273729867  

*******************************
*******************************


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

बेलापूर खुर्द येथील महिलेचा रेल्वेखाली सापडून मृत्यू शीतल टाइम्स प्रतिनिधी

-
इमेज
बेलापूर खुर्द येथील महिलेचा रेल्वेखाली सापडून मृत्यू प्रतिकात्मक चित्र  शीतल टाइम्स प्रतिनिधी  बेलापूर (प्रतिनिधी) : श्रीरामपूर तालुक्यातील बेलापूर खुर्द येथील कमलबाई आनंदा रणदिवे (वय अंदाजे ५५) या महिलेचा आज दुपारी रेल्वेखाली सापडून मृत्यू झाला. मिळालेल्या माहितीनुसार, तहसील कार्यालयातील डोलाच्या प्रकरणात पैसे मिळत नसल्याने त्या वारंवार तहसील कार्यालयात चकरा मारत होत्या. आजही त्या तहसील कार्यालयात जाण्यासाठी निघाल्या होत्या. दरम्यान, बेलापूर रेल्वे स्थानकाजवळील जुन्या मालधक्का परिसरातून रेल्वे रुळ ओलांडत असताना त्यांच्या साडीचा पदर रुळाला अडकला. तेवढ्यात रेल्वे येत असल्याने सोबत असलेल्या दोन महिलांनी रुळ पार केला, मात्र कमलबाई रणदिवे यांच्या साडीचा पदर गुंतल्याने त्यांना रुळ ओलांडता आला नाही आणि त्या दुर्दैवाने रेल्वेखाली सापडल्या. यात त्यांचा जागीच मृत्यू झाला. या दुर्घटनेमुळे परिसरात हळहळ व्यक्त होत असून, तहसील कार्यालयातील डोलाच्या प्रकरणातील विलंबामुळे त्या मानसिक तणावाखाली असल्याचे ग्रामस्थांकडून सांगण्यात आले. ******************************** ***************************...
अधिक वाचा

शीतल टाइम्स //- तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी दोन दिवसांत तोडगा निघणार

-
इमेज
  शीतल टाइम्स प्रतिनिधी तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी  दोन दिवसांत तोडगा निघणार श्रीरामपूर (प्रतिनिधी) स्वस्त धान्य दुकानांच्या ई-पॉज मशिनमध्ये तांत्रिक बिघाड झाल्याने मराठीत नावे फीडिंग केलेल्या रेशनकार्ड धारकांचे बिल तयार होत नसल्याची समस्या उद्भवली आहे. परिणामी हजारो गोरगरीब कुटुंबांना सप्टेंबर महिन्यातील धान्य वाटपापासून वंचित राहण्याची वेळ आली असून नागरिकांत तीव्र नाराजी व्यक्त होत आहे. माहितीनुसार, इंग्रजी डाटा फीडिंग असलेल्या कार्डांचे बिल सहज निघत असल्याने अशा कार्डधारकांना धान्य मिळत आहे. मात्र मराठी भाषेत नावे नोंदवलेले लाभधारकांचे बिल मशिनवरून निघत नसल्याने दुकानदार धान्य वाटप करू शकत नाहीत. यामुळे दुकानदार आणि लाभधारकांमध्ये वादाची परिस्थिती निर्माण झाली असून, “मागील महिन्यात धान्य मिळाले, मग यावेळी का मिळत नाही?” असा प्रश्न लाभधारक विचारत आहेत. या समस्येचा परिणाम महाराष्ट्रातील ज्या जिल्ह्यांमध्ये ओयासिस कंपनीची ई-पॉज मशीन्स कार्यरत आहेत, त्याच ठिकाणी होत असल्याचे समजते. याबाबत ऑल महाराष्ट्र फेअर प्राईस शॉप...
अधिक वाचा

शीतल टाइम्स //- गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव

-
इमेज
   शीतल टाइम्स प्रतिनिधी   गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव बेलापूर (वार्ताहर) श्रीरामपूर तालुक्यातील उक्कलगाव येथे गोवंशीय जनावरांची वाहतूक केली, या संशयावरून काही गोरक्षकांनी एका शेतकऱ्याला बेदम मारहाण केल्याची घटना शनिवारी रात्री घडली. या घटनेमुळे गावात तणावाचे वातावरण निर्माण झाले असून शेतकऱ्यांमध्ये भीतीचे वातावरण पसरले आहे. मिळालेल्या माहितीनुसार, उक्कलगाव येथील धनवाट रोड परिसरात २५ ते ३० जणांचा जमाव जमा झाला होता. या जमावाने गावातीलच एका शेतकरी तरुणाला थांबवून त्याला लाथाबुक्क्यांनी मारहाण केली. काही काळ गावात मोठी गर्दी जमली होती. मारहाणीनंतर गावात तणाव निर्माण झाला. गावात अफवा पसरल्याने दुसऱ्या दिवशी सकाळी मोठा जमाव जमला. मारहाण करणारे तरुण मात्र रात्रीच पसार झाले. पोलीस या प्रकरणाचा तपास करत आहेत, मात्र अद्याप कोणतीही तक्रार दाखल झालेली नसल्याचे पोलिस सूत्रांनी सांगितले. महाराष्ट्रात गोवंश हत्येला बंदी लागू झाल्यानंतर गोरक्षकांच्या नावाखाली अनेक वेळा अशा प्रकारच्या मारहाणीच्या व लुटमारीच्या घटना घडत असल्याचे निदर्शनास य...
अधिक वाचा