शीतल टाइम्स /- व्यसनमुक्ती ही काळाची गरज- डॉ. वसंतराव जमधडे

-

 

शीतल टाइम्स प्रतिनिधी


व्यसनमुक्ती ही काळाची गरज- डॉ. वसंतराव जमधडे

श्रीरामपूर (प्रतिनिधी) :


मातृ-पितृ छाया प्रतिष्ठानच्या वतीने आयोजित व्यसनमुक्ती प्रबोधन शिबिरात अध्यक्षीय भाषण करताना डॉ. वसंतराव जमधडे यांनी व्यसनमुक्ती कार्याची गरज अधोरेखित केली. ते म्हणाले की, “व्यसन हे समाजाला लागलेली एक कीड आहे. हे संपवायचे असेल तर प्रत्येकाने व्यसनमुक्ती दूत बनून व्यसनी घटकापर्यंत पोहोचून प्रत्यक्ष प्रबोधन करावे लागेल. हे कार्य सहजासहजी साध्य होत नाही, त्यात वाहून घ्यावे लागते, तेव्हाच समाजाचे शैक्षणिक व आर्थिक प्रगती साध्य होईल आणि कुटुंब व्यवस्था सुधारेल.”

या कार्यक्रमात विविध मान्यवरांचा सत्कारही करण्यात आला. आदर्श शिक्षक सुजित बनकर, बाळासाहेब पाटोळे, योगेश राणे, इकबाल काकर, शिवनाथ नारायणी, महाराष्ट्र शासन पुरस्कारप्राप्त प्रा. बाबासाहेब शेलार, विश्वनाथ आल्हाट, अशोकराव बागुल, पोलीस हवालदार मच्छिंद्र शेलार (बेस्ट कॉप ऑफ द मंथ व गुन्ह्याचा जलद शोध लावल्याबद्दल) यांचा गौरव झाला. तसेच गणेश पिंगळे सर यांना उत्कृष्ट स्वीप नोडल अधिकारी विधानसभा श्रीरामपूर पुरस्कार, अमोल सोनवणे व विकास जगधने यांना विधी महाविद्यालयातील विशेष प्राविण्य, तर नव्याने पदभार स्वीकारलेले अशोकराव दिवे, मिलिंदकुमार साळवे, डॉ. सलीम शेख, शाहीर कदम, डॉ. दुशिंग, प्रा. डॉ. दीपक जाधव यांचाही सत्कार करण्यात आला.

या कार्यक्रमास उपाध्यक्ष मराठी पत्रकार संघ सलीमखान पठाण, काँग्रेस सेवादल शहराध्यक्ष रावसाहेब आल्हाट, सामाजिक कार्यकर्ते अरुण मंडलिक, भगवानराव जाधव, रघुनाथ जाधव, काळुराम बोरुडे, बाळासाहेब बोरुडे, भास्करराव बोरुडे, दत्तात्रय बर्गे आदी मान्यवर उपस्थित होते.
कार्यक्रमाचे सूत्रसंचालन गणेश पिंगळे यांनी केले तर आभार अरुण बोरुडे यांनी मानले.




********************************
********************************

   -  संपूर्ण महाराष्ट्रतील ज्वलंत प्रश्नांशी निगडीत असलेले  -

** साप्ताहिक शीतल टाईम्स **

R.N.I.NO.MAHMAR/2003/13182

 - बातम्या व जाहिरातीसाठी
 *********-संपर्क-**********

✒️ मुख्य संपादक  - नरेंद्र लचके 

********** मो. 9225327176

✒️ उपसंपादक - सुहास शेलर

********* मो. 8485867429

✒️ जिल्हा प्रतिनिधी - शकील(बाबा)शेख

********* मो. 9273729867  

*******************************
*******************************


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

बेलापूर खुर्द येथील महिलेचा रेल्वेखाली सापडून मृत्यू शीतल टाइम्स प्रतिनिधी

-
इमेज
बेलापूर खुर्द येथील महिलेचा रेल्वेखाली सापडून मृत्यू प्रतिकात्मक चित्र  शीतल टाइम्स प्रतिनिधी  बेलापूर (प्रतिनिधी) : श्रीरामपूर तालुक्यातील बेलापूर खुर्द येथील कमलबाई आनंदा रणदिवे (वय अंदाजे ५५) या महिलेचा आज दुपारी रेल्वेखाली सापडून मृत्यू झाला. मिळालेल्या माहितीनुसार, तहसील कार्यालयातील डोलाच्या प्रकरणात पैसे मिळत नसल्याने त्या वारंवार तहसील कार्यालयात चकरा मारत होत्या. आजही त्या तहसील कार्यालयात जाण्यासाठी निघाल्या होत्या. दरम्यान, बेलापूर रेल्वे स्थानकाजवळील जुन्या मालधक्का परिसरातून रेल्वे रुळ ओलांडत असताना त्यांच्या साडीचा पदर रुळाला अडकला. तेवढ्यात रेल्वे येत असल्याने सोबत असलेल्या दोन महिलांनी रुळ पार केला, मात्र कमलबाई रणदिवे यांच्या साडीचा पदर गुंतल्याने त्यांना रुळ ओलांडता आला नाही आणि त्या दुर्दैवाने रेल्वेखाली सापडल्या. यात त्यांचा जागीच मृत्यू झाला. या दुर्घटनेमुळे परिसरात हळहळ व्यक्त होत असून, तहसील कार्यालयातील डोलाच्या प्रकरणातील विलंबामुळे त्या मानसिक तणावाखाली असल्याचे ग्रामस्थांकडून सांगण्यात आले. ******************************** ***************************...
अधिक वाचा

शीतल टाइम्स //- तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी दोन दिवसांत तोडगा निघणार

-
इमेज
  शीतल टाइम्स प्रतिनिधी तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी  दोन दिवसांत तोडगा निघणार श्रीरामपूर (प्रतिनिधी) स्वस्त धान्य दुकानांच्या ई-पॉज मशिनमध्ये तांत्रिक बिघाड झाल्याने मराठीत नावे फीडिंग केलेल्या रेशनकार्ड धारकांचे बिल तयार होत नसल्याची समस्या उद्भवली आहे. परिणामी हजारो गोरगरीब कुटुंबांना सप्टेंबर महिन्यातील धान्य वाटपापासून वंचित राहण्याची वेळ आली असून नागरिकांत तीव्र नाराजी व्यक्त होत आहे. माहितीनुसार, इंग्रजी डाटा फीडिंग असलेल्या कार्डांचे बिल सहज निघत असल्याने अशा कार्डधारकांना धान्य मिळत आहे. मात्र मराठी भाषेत नावे नोंदवलेले लाभधारकांचे बिल मशिनवरून निघत नसल्याने दुकानदार धान्य वाटप करू शकत नाहीत. यामुळे दुकानदार आणि लाभधारकांमध्ये वादाची परिस्थिती निर्माण झाली असून, “मागील महिन्यात धान्य मिळाले, मग यावेळी का मिळत नाही?” असा प्रश्न लाभधारक विचारत आहेत. या समस्येचा परिणाम महाराष्ट्रातील ज्या जिल्ह्यांमध्ये ओयासिस कंपनीची ई-पॉज मशीन्स कार्यरत आहेत, त्याच ठिकाणी होत असल्याचे समजते. याबाबत ऑल महाराष्ट्र फेअर प्राईस शॉप...
अधिक वाचा

शीतल टाइम्स //- गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव

-
इमेज
   शीतल टाइम्स प्रतिनिधी   गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव बेलापूर (वार्ताहर) श्रीरामपूर तालुक्यातील उक्कलगाव येथे गोवंशीय जनावरांची वाहतूक केली, या संशयावरून काही गोरक्षकांनी एका शेतकऱ्याला बेदम मारहाण केल्याची घटना शनिवारी रात्री घडली. या घटनेमुळे गावात तणावाचे वातावरण निर्माण झाले असून शेतकऱ्यांमध्ये भीतीचे वातावरण पसरले आहे. मिळालेल्या माहितीनुसार, उक्कलगाव येथील धनवाट रोड परिसरात २५ ते ३० जणांचा जमाव जमा झाला होता. या जमावाने गावातीलच एका शेतकरी तरुणाला थांबवून त्याला लाथाबुक्क्यांनी मारहाण केली. काही काळ गावात मोठी गर्दी जमली होती. मारहाणीनंतर गावात तणाव निर्माण झाला. गावात अफवा पसरल्याने दुसऱ्या दिवशी सकाळी मोठा जमाव जमला. मारहाण करणारे तरुण मात्र रात्रीच पसार झाले. पोलीस या प्रकरणाचा तपास करत आहेत, मात्र अद्याप कोणतीही तक्रार दाखल झालेली नसल्याचे पोलिस सूत्रांनी सांगितले. महाराष्ट्रात गोवंश हत्येला बंदी लागू झाल्यानंतर गोरक्षकांच्या नावाखाली अनेक वेळा अशा प्रकारच्या मारहाणीच्या व लुटमारीच्या घटना घडत असल्याचे निदर्शनास य...
अधिक वाचा