शीतल टाइम्स /- समाजासाठी विधायक काम करणाऱ्यांचाच सत्कार होतो - भास्कर खंडागळे

-

  

शीतल टाइम्स प्रतिनिधी


समाजासाठी विधायक काम करणाऱ्यांचाच सत्कार होतो - भास्कर खंडागळे

बेलापूर (प्रतिनिधी) 


सामाजिक कार्य करणाऱ्या कार्यकर्त्यांचा सन्मान म्हणजे त्यांच्या कार्याचा गौरव असून, अशा सत्कारांमुळे कार्य करण्यास नवी उर्जा मिळते, असे प्रतिपादन बेलापूर प्रेस क्लबचे अध्यक्ष भास्कर खंडागळे यांनी केले. ते बेलापूर-ऐनतपूर येथील सत्यमेव जयते ग्रुपतर्फे आयोजित समाजसेवक सत्कार समारंभात अध्यक्षस्थानावरून बोलत होते.

या कार्यक्रमात ज्येष्ठ पत्रकार देविदास देसाई, अभिषेक खंडागळे आणि भिमराज हुडे यांचा सामाजिक कार्यातील उल्लेखनीय योगदानाबद्दल सन्मानपत्र देऊन गौरव करण्यात आला. तसेच सहाय्यक पोलीस उपनिरीक्षक किरण शेलार, पुणे येथील संतोष मोहोळ, डॉ. अविनाश डोंगरे, राहुल चांदिलकर आदींचाही सत्कार करण्यात आला.

तालुका संजय गांधी निराधार समितीचे अध्यक्ष शरद नवले यांनी या उपक्रमाचे कौतुक करताना म्हटले की, “सत्यमेव जयते ग्रुप” सामाजिक बांधिलकी जपत विविध विधायक उपक्रम राबवत आहे. या ग्रुपमधील कार्यकर्त्यांनी गावाच्या विकासात मोलाचा वाटा उचलला असून, त्यांचा सन्मान हा समाजातील प्रेरणादायी घटक ठरावा.”

सत्कारास उत्तर देताना पत्रकार देविदास देसाई म्हणाले, “सत्यमेव जयते ग्रुपमध्ये विविध विचारधारेचे कार्यकर्ते असूनही समाजहिताची जाणीव आणि उत्तरदायित्व या माध्यमातून जपले जाते. आमच्या कार्याची दखल घेत आयोजकांनी केलेला सत्कार ही मोठी प्रेरणा आहे.”

कार्यक्रमात भिमराज हुडे आणि संजय भोंडगे यांनीही मनोगत व्यक्त केले. विष्णुपंत डावरे यांनी प्रास्ताविक केले, राजेंद्र कर्पे यांनी मानपत्र वाचन केले तर गोपी दाणी यांनी आभार मानले.

या प्रसंगी जालिंदर कुंहे, रणजित श्रीगोड, भाऊसाहेब कुताळ, संजय भोंडगे, गोरक्षनाथ कुंहे, चंद्रकांत नवले, पत्रकार नवनाथ कुताळ, सुनिल नवले, दिलिप दायमा, मुश्ताक शेख, रावसाहेब अमोलिक, दिपक काळे, भगिरथ मुंडलिक, महेश कुंहे, राधेश्याम अंबिलवादे, रविंद्र कर्पे, शफिक बागवान, पुंजाहरी सुपेकर, दादासाहेब कुताळ, शरद पुजारी, सोमनाथ जावरे, जाकीर शेख, प्रा. निजाम शेख, बाबासाहेब काळे, अरविंद हुडे, सचिन वाघ, विशाल आंबेकर, शफिक आतार, औंदुंबर राऊत आदी मान्यवर उपस्थित होते.





********************************
********************************

   -  संपूर्ण महाराष्ट्रतील ज्वलंत प्रश्नांशी निगडीत असलेले  -

** साप्ताहिक शीतल टाईम्स **

R.N.I.NO.MAHMAR/2003/13182

 - बातम्या व जाहिरातीसाठी
 *********-संपर्क-**********

✒️ मुख्य संपादक  - नरेंद्र लचके 

********** मो. 9225327176

✒️ उपसंपादक - सुहास शेलर

********* मो. 8485867429

✒️ जिल्हा प्रतिनिधी - शकील(बाबा)शेख

********* मो. 9273729867  

*******************************
*******************************


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

बेलापूर खुर्द येथील महिलेचा रेल्वेखाली सापडून मृत्यू शीतल टाइम्स प्रतिनिधी

-
इमेज
बेलापूर खुर्द येथील महिलेचा रेल्वेखाली सापडून मृत्यू प्रतिकात्मक चित्र  शीतल टाइम्स प्रतिनिधी  बेलापूर (प्रतिनिधी) : श्रीरामपूर तालुक्यातील बेलापूर खुर्द येथील कमलबाई आनंदा रणदिवे (वय अंदाजे ५५) या महिलेचा आज दुपारी रेल्वेखाली सापडून मृत्यू झाला. मिळालेल्या माहितीनुसार, तहसील कार्यालयातील डोलाच्या प्रकरणात पैसे मिळत नसल्याने त्या वारंवार तहसील कार्यालयात चकरा मारत होत्या. आजही त्या तहसील कार्यालयात जाण्यासाठी निघाल्या होत्या. दरम्यान, बेलापूर रेल्वे स्थानकाजवळील जुन्या मालधक्का परिसरातून रेल्वे रुळ ओलांडत असताना त्यांच्या साडीचा पदर रुळाला अडकला. तेवढ्यात रेल्वे येत असल्याने सोबत असलेल्या दोन महिलांनी रुळ पार केला, मात्र कमलबाई रणदिवे यांच्या साडीचा पदर गुंतल्याने त्यांना रुळ ओलांडता आला नाही आणि त्या दुर्दैवाने रेल्वेखाली सापडल्या. यात त्यांचा जागीच मृत्यू झाला. या दुर्घटनेमुळे परिसरात हळहळ व्यक्त होत असून, तहसील कार्यालयातील डोलाच्या प्रकरणातील विलंबामुळे त्या मानसिक तणावाखाली असल्याचे ग्रामस्थांकडून सांगण्यात आले. ******************************** ***************************...
अधिक वाचा

शीतल टाइम्स //- तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी दोन दिवसांत तोडगा निघणार

-
इमेज
  शीतल टाइम्स प्रतिनिधी तांत्रिक बिघाडामुळे रेशनधारक धान्यापासून वंचित मराठीत नोंद असलेल्या कार्डधारकांना अडचणी  दोन दिवसांत तोडगा निघणार श्रीरामपूर (प्रतिनिधी) स्वस्त धान्य दुकानांच्या ई-पॉज मशिनमध्ये तांत्रिक बिघाड झाल्याने मराठीत नावे फीडिंग केलेल्या रेशनकार्ड धारकांचे बिल तयार होत नसल्याची समस्या उद्भवली आहे. परिणामी हजारो गोरगरीब कुटुंबांना सप्टेंबर महिन्यातील धान्य वाटपापासून वंचित राहण्याची वेळ आली असून नागरिकांत तीव्र नाराजी व्यक्त होत आहे. माहितीनुसार, इंग्रजी डाटा फीडिंग असलेल्या कार्डांचे बिल सहज निघत असल्याने अशा कार्डधारकांना धान्य मिळत आहे. मात्र मराठी भाषेत नावे नोंदवलेले लाभधारकांचे बिल मशिनवरून निघत नसल्याने दुकानदार धान्य वाटप करू शकत नाहीत. यामुळे दुकानदार आणि लाभधारकांमध्ये वादाची परिस्थिती निर्माण झाली असून, “मागील महिन्यात धान्य मिळाले, मग यावेळी का मिळत नाही?” असा प्रश्न लाभधारक विचारत आहेत. या समस्येचा परिणाम महाराष्ट्रातील ज्या जिल्ह्यांमध्ये ओयासिस कंपनीची ई-पॉज मशीन्स कार्यरत आहेत, त्याच ठिकाणी होत असल्याचे समजते. याबाबत ऑल महाराष्ट्र फेअर प्राईस शॉप...
अधिक वाचा

शीतल टाइम्स //- गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव

-
इमेज
   शीतल टाइम्स प्रतिनिधी   गोवंशीय जनावरांच्या वाहतुकीच्या संशयावरून शेतकऱ्यावर हल्ला; उक्कलगावात तणाव बेलापूर (वार्ताहर) श्रीरामपूर तालुक्यातील उक्कलगाव येथे गोवंशीय जनावरांची वाहतूक केली, या संशयावरून काही गोरक्षकांनी एका शेतकऱ्याला बेदम मारहाण केल्याची घटना शनिवारी रात्री घडली. या घटनेमुळे गावात तणावाचे वातावरण निर्माण झाले असून शेतकऱ्यांमध्ये भीतीचे वातावरण पसरले आहे. मिळालेल्या माहितीनुसार, उक्कलगाव येथील धनवाट रोड परिसरात २५ ते ३० जणांचा जमाव जमा झाला होता. या जमावाने गावातीलच एका शेतकरी तरुणाला थांबवून त्याला लाथाबुक्क्यांनी मारहाण केली. काही काळ गावात मोठी गर्दी जमली होती. मारहाणीनंतर गावात तणाव निर्माण झाला. गावात अफवा पसरल्याने दुसऱ्या दिवशी सकाळी मोठा जमाव जमला. मारहाण करणारे तरुण मात्र रात्रीच पसार झाले. पोलीस या प्रकरणाचा तपास करत आहेत, मात्र अद्याप कोणतीही तक्रार दाखल झालेली नसल्याचे पोलिस सूत्रांनी सांगितले. महाराष्ट्रात गोवंश हत्येला बंदी लागू झाल्यानंतर गोरक्षकांच्या नावाखाली अनेक वेळा अशा प्रकारच्या मारहाणीच्या व लुटमारीच्या घटना घडत असल्याचे निदर्शनास य...
अधिक वाचा