संपूर्ण महाराष्ट्रतील ज्वलंत प्रश्नांशी निगडीत असलेले सा.शीतल टाईम्स R.N.I.NO.MAHMAR/2003/13182

        शीतल टाइम्स प्रतिनिधी पुण्याच्या समिद्रा फाउंडेशनतर्फे बेलापूरला दिवाळी फराळ वाटप बेलापूर (वार्ताहर)  पुणे येथील समिद्रा फाउंडेशन या सामाजिक संस्थेच्या वतीने बेलापूर बु. ग्रामपंचायतच्या माध्यमातून ग्रामपंचायत कर्मचारी तसेच विविध समाजबांधवांना दिवाळी सणानिमित्त फराळाचे वाटप करण्यात आले. उक्कलगाव येथील सदाशिव थोरात यांच्या मार्गदर्शनाखाली कार्यरत असलेली समिद्रा फाउंडेशन ही संस्था पूरग्रस्त, अतिवृष्टीग्रस्त व नैसर्गिक आपत्तीग्रस्तांना मदत करण्याबरोबरच विविध सामाजिक उपक्रम राबवते. दरवर्षी बेलापूर ग्रामपंचायतीमार्फत दिवाळी फराळ वाटपाचा उपक्रम या संस्थेच्या वतीने सातत्याने राबविला जातो. यंदाही या उपक्रमात ग्रामपंचायत कर्मचारी तसेच घिसाडी समाज बांधवांना फराळाचे वाटप बेलापूर प्रेस क्लबचे अध्यक्ष भास्कर खंडागळे, उपसरपंच चंद्रकांत नवले, ग्रामपंचायत अधिकारी निलेश लहारे, समिद्रा फाउंडेशनचे संचालक सदाशिव थोरात, श्वेता घोडके आणि बबनराव तागड यांच्या हस्ते करण्यात आले. या उपक्रमाच्या यशस्वीतेसाठी जिल्हा परिषद सदस्य शरद नवले, गावकरी पतसंस्थेचे चेअरमन अभिषेक खंडागळे, सरपं...

        शीतल टाइम्स प्रतिनिधी दीपावलीच्या मुहूर्तावर जे.टी.एस. हायस्कूलच्या 90-91 च्या विद्यार्थ्यांचे स्नेहसंमेलन बेलापूर (वार्ताहर)  बेलापूर येथील जे. टी. एस. हायस्कूलच्या सन 1990-91 च्या माजी विद्यार्थ्यांनी दीपावलीचा शुभमुहूर्त साधून आनंदी आणि भावनिक स्नेहसंमेलनाचे आयोजन केले. या भेटीत विद्यार्थ्यांनी जुन्या आठवणींना उजाळा देत बालपणातील क्षण पुन्हा अनुभवले. गाण्यांच्या ठेक्यावर सगळेच बेधुंद होऊन नाचले, तर हास्यकट्ट्यावर गप्पा आणि किस्स्यांनी वातावरण रंगले. शाळेतील आठवणी, शिक्षकांचे मार्गदर्शन आणि त्या काळातील निरागस मैत्री यांची आठवण करत सर्वांचे डोळे पाणावले. एकमेकांशी जीवनप्रवासातील अनुभव शेअर करताना उपस्थितांनी सांगितले की, “जीवन जगताना जर प्रामाणिक जिवलग सवंगडी सोबत असतील, तर औषधांची गरज भासत नाही.” विविध क्षेत्रात कार्यरत असलेले सर्व मित्र बालपणीच्या आठवणीत रममाण झाले होते. सकाळी सुरू झालेले हे गेट-टुगेदर गप्पा, हशा आणि आठवणींच्या ओघात संध्याकाळपर्यंत रंगले. या गोड कार्यक्रमाची सांगता “कभी अलविदा ना कहना” या भावनिक गाण्याने करण्यात आली. ****************...

        शीतल टाइम्स प्रतिनिधी लोकांच्या रांगा वाचनालयासमोर लागल्या तर देशाची प्रगती होईल - पत्रकार देविदास देसाई बेलापूर (प्रतिनिधी): “पुस्तक हे मन आणि मस्तक घडवते; आणि असे मस्तक कोणापुढे नतमस्तक होत नाही. नतमस्तक न झालेले मस्तक कुणाचेही हस्तक होत नाही. त्यामुळे विद्यार्थ्यांनी वाचन संस्कृती कधीही विसरू नये,” असे विचार ज्येष्ठ पत्रकार देविदास देसाई यांनी व्यक्त केले. बेलापूर खुर्द येथील जागृती वाचनालयात दिवाळी अंक प्रदर्शन व वाचक संवाद मेळाव्याचे आयोजन करण्यात आले होते. उद्घाटक म्हणून बोलताना देसाई म्हणाले, “वाचाल तरच वाचाल, कारण आजच्या युगात ज्ञान हीच खरी शक्ती आहे. हे ज्ञान मोबाईल वा सोशल मीडियावरून नाही, तर केवळ पुस्तकातून मिळते. म्हणूनच पुन्हा पुस्तकाकडे वळा, कारण सखोल ज्ञान आणि जीवनातले यश पुस्तकातूनच मिळते.” या कार्यक्रमाचे संयोजक व जिल्हा ग्रंथालय संघाचे विश्वस्त प्रा. बाबासाहेब शेलार यांनी सांगितले की, ग्रामीण भागात वाचन संस्कृती जोपासण्यासाठी हा उपक्रम राबविण्यात आला. “जत्रा ते साधना” अशा विनोद, आरोग्य, क्रीडा, मनोरंजन, पर्यटन, विद्यार्थी शिक्षण, विज्ञान अशा...

        शीतल टाइम्स प्रतिनिधी बेलापूरमध्ये गोविंददेवगिरी महाराजांच्या उपस्थितीत अन्नकोट उत्सव उत्साहात संपन्न बेलापूर (वार्ताहर) श्रीरामपूर तालुक्यातील बेलापूर बुद्रुक येथील श्री जुने बालाजी मंदिर येथे दरवर्षीप्रमाणे याही वर्षी अन्नकोट उत्सव मोठ्या उत्साहात पार पडला. या कार्यक्रमास अयोध्या येथील श्रीराम मंदिराचे कोषाध्यक्ष स्वामी गोविंददेवगिरीजी महाराज (किशोरजी व्यास) यांची प्रमुख उपस्थिती लाभली. महाराजांच्या आगमनानंतर त्यांनी प्रथम छत्रपती शिवाजी महाराजांच्या पुतळ्यास पुष्पहार अर्पण करून अभिवादन केले. यानंतर मार्गदर्शन करताना त्यांनी सांगितले की, “छत्रपती शिवाजी महाराज हे त्यांच्या आई जिजाऊ यांच्या आज्ञेचे तंतोतंत पालन करीत होते, त्यामुळेच ते कधीही अपयशी ठरले नाहीत. आपणही जातिभेद विसरून ‘आपण सर्व हिंदू आहोत’ या भावनेने एकत्र राहिले पाहिजे.” महाराज पुढे म्हणाले, “भारत माझा देश आहे, या प्रतिज्ञेचा अर्थ आपण या देशाचे मालक नाही, तर नागरिक आहोत. त्यामुळे भारतीय समाजासाठी असलेले कायदे आणि नियम यांचे पालन करणे प्रत्येकाचे कर्तव्य आहे. माता-पित्यांची सेवा केल्याशिवाय चार धा...

        शीतल टाइम्स प्रतिनिधी श्रीरामपुरात सम्राट बळीराजाची भव्य मिरवणूक बलीप्रतिपदेनिमित्त उत्साहाचा जल्लोष श्रीरामपूर (वार्ताहर)  बलीप्रतिपदेच्या निमित्ताने बळीराजा सांस्कृतिक महोत्सव समितीच्या वतीने आज शहरात सम्राट बळीराजाचे पूजन करून भव्य मिरवणुकीचे आयोजन करण्यात आले. मिरवणुकीची सुरुवात डॉ. बाबासाहेब आंबेडकर स्मारक येथून करण्यात आली. ढोल-ताशांच्या गजरात आणि “जय बळीराजा!” , “सम्राट बळीराजा अमर राहो!” अशा घोषणांनी शहर दुमदुमून गेले. मिरवणूक शहरातील मुख्य मार्गाने निघून आझाद मैदान येथे अभिवादन सभेने संपन्न झाली. या वेळी भारतीय कर्मचारी संघाचे प्रदेशाध्यक्ष रमेश मकासरे , विद्रोही सांस्कृतिक संघटनेचे जिल्हाध्यक्ष अशोक दिवे , भाकप (माले) पक्षाचे कॉ. जीवन सुरुडे , दत्तनगरचे माजी सरपंच पी. एस. निकम , स्वाभिमानी शेतकरी संघटनेचे जिल्हाध्यक्ष जितेंद्र भोसले , संभाजी ब्रिगेडचे डॉ. अरविंद बडाख , शेतकरी संघटनेचे सुरेश टाके , विद्रोही संघटनेचे डॉ. सलीम शेख , तसेच आदिवासी प्रबोधन सेवा संघाचे ज्ञानेश्वर भंगड यांनी आपल्या मनोगतांतून बळीराजाच्या न्यायनिष्ठ आणि समतेच्य...

        शीतल टाइम्स प्रतिनिधी बेलापूरमध्ये दीपोत्सव कार्यक्रमाचे आयोजन एक दिवा ग्रामदैवतासाठी, एक उजेड गावासाठी बेलापूर (वार्ताहर)   श्री हरिहर फाउंडेशन बेलापूर यांच्या वतीने दीपोत्सवाच्या पावन पर्वानिमित्त "दीपोत्सव कार्यक्रमा"चे आयोजन करण्यात आले आहे. श्री हरिहर केशव गोविंद महाराज मंदिर येथे बुधवार, दि. २२ ऑक्टोबर २०२५ रोजी सायं. ५.३० वा. हा कार्यक्रम पार पडणार आहे. या निमित्ताने सर्व भाविक भक्तांना विनम्र आवाहन करण्यात आले आहे की, प्रत्येक भक्ताने आपल्या सोबत एक दिवा घेऊन या कार्यक्रमास उपस्थित राहावे. "एक दिवा ग्रामदैवतासाठी, एक उजेड गावासाठी, एक दिवा प्रवरा माईसाठी आणि एक दिवा जीवनदायिनीच्या कृतज्ञतेसाठी" या संदेशाने दीपोत्सव साजरा करण्यात येणार आहे. श्री हरिहर फाउंडेशन बेलापूर यांच्या या उपक्रमामुळे सामाजिक ऐक्य आणि अध्यात्मिकतेचा सुंदर संगम साधला जाईल, अशी भावना आयोजकांनी व्यक्त केली आहे. ✍️ शीतल टाईम्स वार्ताहर ******************************** ********************************    -  संपूर्ण महाराष्ट्रतील ज्वलंत प्रश्नांशी निगडीत असलेले...

        शीतल टाइम्स प्रतिनिधी बेलापूर येथे ‘दैनिक रामनगरी’ व ‘साप्ताहिक शीतल टाईम्स दिवाळी अंकाचे प्रकाशन संपन्न बेलापूर (वार्ताहर) दरवर्षीप्रमाणे यावर्षीही ‘दैनिक रामनगरी’ व ‘साप्ताहिक शीतल टाईम्स’ या वृत्तपत्राच्या संयुक्त दिवाळी अंकाचे प्रकाशन बेलापूर येथील ऐतिहासिक विजयस्तंभ चौकात मोठ्या उत्साहात संपन्न झाले. या कार्यक्रमात विविध क्षेत्रातील मान्यवर उपस्थित होते. प्रसिद्ध धर्मोपदेशक पंडित महेशजी व्यास यांच्या शुभ हस्ते या दिवाळी अंकाचे प्रकाशन करण्यात आले. यावेळी विशेष उपस्थितीत बेलापूर प्रेस क्लबचे कोषाध्यक्ष सुनील मुथा, राष्ट्रवादी काँग्रेस पक्षाचे प्रदेश सरचिटणीस अरुण पाटील नाईक, गावकरी पतसंस्थेचे चेअरमन अभिषेक खंडागळे, दैनिक जयबाबा चे कार्यकारी संपादक मनोजकुमार आगे, प्रकाश कुऱ्हे, राजेंद्र सातभाई, संपादक नरेंद्र लचके, उपसंपादक सुहास शेलार, पत्रकार शकील शेख, चंद्रकांत पाटील नाईक, पोलीस कॉन्स्टेबल नंदू लोखंडे, मयूर साळुंके, शशिकांत तेलोरे, प्रफुल्ल काळे, गोपी दाणी, तानाजी शेलार, भास्कर बंगाळ, बी. एम. पुजारी, तसेच इतर मान्यवर उपस्थित होते. या अंकामध्ये सामाजिक, ...

नॅशनल लॉ युनिव्हर्सिटीच्या पदवीदान समारंभ अनुष्का शेलार एलएलएममध्ये प्रथम श्रेणीत उत्तीर्ण सर्वोच्च न्यायालयाच्या न्यायाधीशांच्या हस्ते गौरव शीतल टाइम्स न्यूज नेटवर्क संभाजीनगर: नॅशनल लॉ युनिव्हर्सिटी, महाराष्ट्र, संभाजीनगर (छत्रपती संभाजीनगर) येथे आयोजित पदवीदान समारंभात कुमारी अनुष्का बाबासाहेब शेलार हिस कायद्यातील सर्वोच्च पदवी 'एलएलएम' (Masters of Law) प्रथम श्रेणीत उत्तीर्ण झाल्याबद्दल गौरविण्यात आले. एलएलबी (LLB) नंतर त्यांनी नुकतीच ही पदवी प्रथम श्रेणीत प्राप्त केली आहे. नॅशनल लॉ युनिव्हर्सिटीमार्फत आयोजित या प्रतिष्ठित समारंभात अनुष्का शेलार यांच्यासह इतर पदवीधारक विद्यार्थ्यांना पदवी प्रदान करण्यात आली. यावेळी सर्वोच्च न्यायालयाचे न्यायाधीश श्री. विक्रमनाथ, सर्वोच्च न्यायालयाचे ज्येष्ठ न्यायाधीश श्री. प्रसन्न वराळे आणि मुंबई उच्च न्यायालयाचे मुख्य न्यायाधीश श्री. देवेन्द्र कुमार चंद्रशेखर यांच्या शुभहस्ते आणि प्रमुख उपस्थितीत हा गौरव सोहळा पार पडला. या समारंभास नॅशनल लॉ युनिव्हर्सिटी महाराष्ट्रचे कुलपती (Chanceller) व मुंबई उच्च न्यायालयाचे माजी मुख्य न्यायाधीश डॉ. ओक ...

शीतल टाइम्स प्रतिनिधी गावकरी पतसंस्थेच्या चेअरमनपदी अभिषेक खंडागळे यांची बिनविरोध निवड बेलापूर (वार्ताहर) बेलापूर येथील अल्पावधीत उल्लेखनीय प्रगती साधणाऱ्या गावकरी पतसंस्थेच्या चेअरमनपदी अभिषेक खंडागळे यांची बिनविरोध निवड करण्यात आली आहे. माजी चेअरमन साहेबराव वाबळे यांनी दिलेल्या राजीनाम्यानंतर रिक्त झालेल्या पदाच्या निवडीसाठी सहायक निबंधक कार्यालयाचे सहकार अधिकारी आर. के. जाधव यांच्या अध्यक्षतेखाली संस्थेची विशेष बैठक झाली. या बैठकीस उपाध्यक्ष रामेश्वर सोमाणी, संचालक साहेबराव वाबळे, शरद नवले, जालिंदर कुऱ्हे, प्रफुल्ल डावरे, प्रविण बाठिया, जनार्दन ओहोळ, रावसाहेब अमोलिक, शशिकांत उंडे, संजय गोरे, रमेश काळे, सचिन वाघ, अजिज शेख, मोहसीन सय्यद, तस्वर बागवान तसेच संस्थेचे मॅनेजर संदीप लोखंडे उपस्थित होते. बैठकीदरम्यान प्रफुल्ल डावरे यांनी अभिषेक खंडागळे यांचे नाव चेअरमन पदासाठी सुचविले, तर त्या प्रस्तावास जनार्दन ओहोळ यांनी अनुमोदन दिले. उपस्थित सर्व संचालकांच्या एकमताने खंडागळे यांची बिनविरोध निवड करण्यात आली. निवडीनंतर अभिषेक खंडागळे यांचा सत्कार करण्यात आला. यावेळी रणजित श्रीगोड, हाजी इस्म...

माता वैष्णवदेवी भक्तांसाठी रेल्वे सेवा वाढविण्याची मागणी – श्रीरामपूर प्रवासी संघटनेचा निर्णय श्रीरामपूर (वार्ताहर):  माता वैष्णवदेवीच्या दर्शनासाठी उत्तर भारतात जाणाऱ्या भाविकांची वाढती संख्या लक्षात घेऊन, रेल्वे सेवा वाढविण्याची मागणी श्रीरामपूर प्रवासी संघटनेतर्फे करण्यात आली आहे. यासाठी रेल्वे बोर्डाचे अध्यक्ष श्री. सतीषकुमार यांची भेट घेऊन लक्ष वेधण्याचा निर्णय संघटनेच्या कार्यकारी मंडळाच्या बैठकीत घेण्यात आला. ही बैठक प्रवासी भवन येथे संघटनेचे अध्यक्ष रणजित श्रीगोड यांच्या अध्यक्षतेखाली पार पडली. बैठकीचे प्रास्ताविक सेक्रेटरी अनिल कुलकर्णी यांनी केले. बैठकीत रेल्वे संबंधी विविध प्रलंबित प्रश्नांवर सविस्तर चर्चा करण्यात आली. विशेषतः वैष्णवदेवीच्या दर्शनासाठी सध्या केवळ पुणे-जम्मू तवी झेलम एक्सप्रेस हीच गाडी उपलब्ध असून ती अपुरी ठरत असल्याचे सांगण्यात आले. त्यामुळे प्रवासी संघटनेने खालील मागण्या केल्या आहेत : 🔹 पुणे–कटरा वंदेभारत एक्सप्रेस सुरु करावी. 🔹 कोल्हापूर–हजरत निजामुद्दीन साप्ताहिक एक्सप्रेस (गाडी क्र. १२१४७/१२१४८) ही गाडी कटरा पर्यंत वाढवावी. 🔹 बेलापूर रेल्वे स्टेशन...

शीतल टाइम्स प्रतिनिधी विश्वस्त मंडळात न घेतल्याने पोटदुखीतून देवस्थानची बदनामी- सतीश भगत कथित आरोपांचे पदाधिकाऱ्यांकडून पत्रकार परिषदेत खंडन बेलापूर (वार्ताहर) बेलापूर खुर्द येथील हरिहर केशव गोविंद संस्थान बन ट्रस्टचा कारभार विकासाभिमुख व पारदर्शक असताना, केवळ विश्वस्त मंडळात न घेतल्याने असंतुष्ट व्यक्तींनी बिनबुडाचे आणि खोटे आरोप करून पंचक्रोशीतील श्रद्धास्थान असलेल्या देवस्थानची बदनामी करण्याचा प्रयत्न केला जात असल्याचा आरोप संस्थानचे अध्यक्ष सतीश भगत यांनी केला. पत्रकार परिषदेत बोलताना भगत म्हणाले की, “जर आमचा कारभार चुकीचा असेल, तर संबंधित शासकीय यंत्रणा कारवाईसाठी सक्षम आहेत. परंतु काही जण केवळ वैयक्तिक पोटदुखीतून अफवा आणि बदनामी पसरवत आहेत.” या पत्रकार परिषदेला उपाध्यक्ष फकीरराव पुजारी, विश्वस्त बापूसाहेब पुजारी, रावसाहेब हरदास, जयश्री पुजारी, कारभारी हरदास, ज्ञानदेव भगत, विनय भगत, निलेश हरदास तसेच ग्रामस्थ उपस्थित होते. कथित आरोपांचे खंडन करताना भगत पुढे म्हणाले की, “मनमानी कारभार केला जातो हे पूर्णपणे असत्य आहे. सर्व निर्णय विश्वस्तांच्या बैठकीत घेतले जातात. भ्रष्टाचाराचे आरोप ...

   शीतल टाइम्स प्रतिनिधी बेलापुरात गौसे आजम दर्गा उर्सनिमित्त महाप्रसादाचे वाटप बेलापूर (वार्ताहर) गौसे आजम सेवा भावी संस्थेच्यावतीने दरवर्षीप्रमाणे यंदाही बेलापूर येथील गौसे आजम दर्गा उर्स मोठ्या श्रद्धा व उत्साहात साजरा करण्यात आला. या निमित्ताने भाविकांसाठी महाप्रसादाचे वाटप करण्यात आले. दर्गाह परिसरात आकर्षक रोषणाई व फुलांनी सजावट करून धार्मिक वातावरण निर्मिती करण्यात आली होती. कार्यक्रमास ग्रामपंचायत सदस्य तसेच कृषी उत्पन्न बाजार समितीचे माजी उपसभापती अभिषेक खंडागळे, शफीक बागवान, मुस्ताक शेख, चंदू पाटील नाईक, रफिक (दादा) शेख, हाजी इस्माईल शेख, जावेद भाई शेख आदी मान्यवर उपस्थित होते. उर्स कार्यक्रमाच्या यशस्वी आयोजनासाठी सरफराज (भैया) शेख, मोहसिन सय्यद, जब्बार अत्तार, रफिक शेख, हाजी मन्सूर सय्यद, रफीक शाह, अजीज भाई, तसेच गौसे आजम सेवा भावी संस्थेचे संस्थापक मुख्तार सय्यद, अध्यक्ष सुल्तान शेख, उपाध्यक्ष असीम शेख, सचिव नौशाद शेख यांचे मोलाचे योगदान राहिले. याशिवाय श्रीरामपूर तालुका अध्यक्ष सोनू शेख, उपाध्यक्ष निसार शाह, सचिव सिराज अत्तार, राहुरी तालुका अध्यक्ष किशोर पवार, भो...

   शीतल टाइम्स प्रतिनिधी समाजासाठी विधायक काम करणाऱ्यांचाच सत्कार होतो - भास्कर खंडागळे बेलापूर (प्रतिनिधी)   सामाजिक कार्य करणाऱ्या कार्यकर्त्यांचा सन्मान म्हणजे त्यांच्या कार्याचा गौरव असून, अशा सत्कारांमुळे कार्य करण्यास नवी उर्जा मिळते, असे प्रतिपादन बेलापूर प्रेस क्लबचे अध्यक्ष भास्कर खंडागळे यांनी केले. ते बेलापूर-ऐनतपूर येथील सत्यमेव जयते ग्रुपतर्फे आयोजित समाजसेवक सत्कार समारंभात अध्यक्षस्थानावरून बोलत होते. या कार्यक्रमात ज्येष्ठ पत्रकार देविदास देसाई, अभिषेक खंडागळे आणि भिमराज हुडे यांचा सामाजिक कार्यातील उल्लेखनीय योगदानाबद्दल सन्मानपत्र देऊन गौरव करण्यात आला. तसेच सहाय्यक पोलीस उपनिरीक्षक किरण शेलार, पुणे येथील संतोष मोहोळ, डॉ. अविनाश डोंगरे, राहुल चांदिलकर आदींचाही सत्कार करण्यात आला. तालुका संजय गांधी निराधार समितीचे अध्यक्ष शरद नवले यांनी या उपक्रमाचे कौतुक करताना म्हटले की, “सत्यमेव जयते ग्रुप” सामाजिक बांधिलकी जपत विविध विधायक उपक्रम राबवत आहे. या ग्रुपमधील कार्यकर्त्यांनी गावाच्या विकासात मोलाचा वाटा उचलला असून, त्यांचा सन्मान हा समाजातील प्रेरणादायी घटक...